TOE FOKI
LĒSONI 8
Anga-Kātaki
Tefitoʻi Moʻoní: “Ko e ʻofá ʻoku kātaki.”—1 Kol. 13:4.
Meʻa Naʻe Fai ʻe Sīsuú
1. Sio ʻi he VITIOÓ, pe lau ʻa e Sione 7:3-5 mo e 1 Kolinitō 15:3, 4, 7. Fakakaukau leva ki he ongo fehuʻi ko ení:
a. Naʻe anga-fēfē ʻa e fakafeangai ʻa e fanga tokoua ʻo Sīsuú ki heʻene pōpoakí ʻi he kamatá?
e. Ko e hā ʻokú ne fakahaaʻi naʻe ʻikai ke foʻi ʻa Sīsū ʻi hono tokoniʻi hono tokoua ko Sēmisí?
Ko e Hā ʻOku Tau Ako meia Sīsuú?
2. ʻOku fiemaʻu ke tau anga-kātaki he ko e kakai ʻe niʻihi ʻe fiemaʻu ʻa e taimi lahi ange ke nau tali ʻa e ongoongo leleí ʻi he faʻahinga ʻe niʻihi.
Faʻifaʻitaki kia Sīsū
3. ʻAhiʻahiʻi ha founga kehe. Kapau ʻoku ʻikai loto ʻa e tokotahá ke ako Tohi Tapu ʻi he taimi pē ko iá, ʻoua ʻe tenge iá. ʻI he taimi feʻungamālié, ngāueʻaki ʻa e ʻū vitioó pe ngaahi kupú ke tokoniʻi ia ke ne mahinoʻi ʻa e meʻa ʻoku fai ʻi ha ako Tohi Tapu pea mo e founga te ne maʻu ʻaonga aí.
4. ʻOua ʻe fakahoa. ʻOku kehekehe pē ʻa e tokotaha taki taha. Kapau ʻoku toumoua ha mēmipa ʻo e fāmilí pe ko ha toe ʻaʻahi ke ako ʻa e Tohi Tapú pe tali ha akonaki Fakatohitapu, fakakaukau ki he ʻuhinga ʻokú ne fai pehē aí. ʻOku ʻi ai ha tui fakalotu pau ʻoku faingataʻa ke ne tuku ange? ʻOkú ne fehangahangai mo ha tenge mei hono ngaahi kāingá pe kaungāʻapí? Fakaʻatā ha taimi ke ne fakakaukau fekauʻaki mo e meʻa naʻá ke leaʻakí pea fakamahuʻingaʻi ʻa e meʻa ʻoku leaʻaki ʻe he Tohi Tapú.
5. Lotu fekauʻaki mo e tokotaha mahuʻingaʻiá. Kole kia Sihova ke ne tokoniʻi koe ke ke tauhi maʻu ha fakakaukau pau mo fakapotopoto. Lotu ki ha ʻiloʻilo ke ʻiloʻi ʻa e taimi ke taʻofi ai ʻa e ʻaʻahi ki ha tokotaha ʻoku ʻikai loko mahuʻingaʻia.—1 Kol. 9:26.