Fakaleleiʻi ʻEtau Pōtoʻi ʻi he Ngāue Fakafaifekaú​—Faiakoʻaki e Vitioó

ʻUHINGA ʻOKU MAHUʻINGA AÍ:

Ko e vitioó ʻoku aʻu ia ki he loto ʻo e kakaí ko ʻene fakamānako ki he sió mo e fanongó. ʻE tokoni eni ke puke ʻa e tokangá pea maongo tuʻuloa. Kuo fokotuʻu ʻe Sihova ʻa e faʻifaʻitakiʻanga lelei taha ʻi hono ngāueʻaki ʻa e tokoni ki he mamatá ʻi he faiakó.—Ngā. 10:9-16; Fkh. 1:1.

Ko e vitiō ʻOku ʻi Ai ha Huafa ʻa e ʻOtuá?, Ko Hai ʻa e Faʻutohi ʻo e Tohi Tapú? mo e ʻE Lava Fēfē Ke Tau Fakapapauʻi ʻOku Moʻoni ʻa e Tohi Tapú? fakalahi ki he lēsoni 2 mo e 3 ʻo e polosiua Ongoongo Lelei. Ko e vitiō Ko e Hā ke Ako Ai ʻa e Tohi Tapú?, Ko e Hā ʻOku Fai ʻi ha Ako Tohi Tapu? mo e Ko e Hā ʻOku Fai ʻi ha Fale Fakatahaʻanga? ʻoku fakalototoʻaʻi ʻa e tokotaha taki taha ke ako ʻa e Tohi Tapú mo kitautolu pe maʻu ʻa e ngaahi fakataha ʻa e fakatahaʻangá. Ko e niʻihi ʻo ʻetau ngaahi vitiō ʻi he kahaʻú ʻe toe ngāueʻaki nai ke faiakoʻaki ʻi he ngaahi ako Tohi Tapú.—km 5/13 3.

FOUNGA HONO FAI IÁ:

• Tōmuʻa hiki ʻa e vitiō ʻokú ke loto ke huluʻi ki he tokotaha-ʻapí

• Teuteu ha fehuʻi ʻe taha pe ua ʻa ia ʻe tali ʻe he foʻi vitioó

• Sio fakataha ʻi he vitioó

• Lāulea ki he ngaahi poini tefitó

ʻAHIʻAHIʻI ENI:

• Sio ki he peesi fakaʻosi ʻo e taha ʻetau ngaahi tulekí pea fakahanga e tokangá ki he kouti ʻe taki atu ki he vitiō Ko e Hā ke Ako Ai ʻa e Tohi Tapú?

• Huluʻi e vitiō ʻE Lava Fēfē Ke Tau Fakapapauʻi ʻOku Moʻoni ʻa e Tohi Tapú? pea tuʻuaki e polosiua Ongoongo Lelei mo fakamamafaʻi ʻa e lēsoni 3