Ngāueʻaki ʻa e Ngaahi Vitioó ke Akoʻi Hoʻo Kau Ako Tohi Tapú

Ko e ngaahi tataki fakaemamatá ʻokú ne tohoakiʻi ʻa e tokanga ʻa e tokotaha ʻoku akó ke ne mahinoʻi mo manatuʻi ʻa e meʻa naʻá ne akó. Ko hotau Faiako Maʻongoʻongá, ʻa Sihova ʻokú ne ngāueʻaki ke akoʻi ʻa e ngaahi tokoni ki he mamatá ke akoʻi ha ngaahi lēsoni mahuʻingá. (Sēn. 15:5; Sel. 18:1-6) Naʻe fai pehē pē mo Sīsū ko e Faiako Lahí. (Māt. 18:2-6; 22:19-21) Ko e founga ʻe taha ʻo e tokoni ki he mamatá, kuo fakamoʻoniʻi ʻoku ʻaonga lahi ʻi he ngaahi taʻu ki mui ní ko e vitioó. ʻOkú ke ngāueleleiʻaki ʻa e ngaahi vitioó ʻi hoʻo akoʻi hoʻo kau ako Tohi Tapú?

Kuo teuteuʻi ha foʻi vitiō ʻe hongofulu ke ne tokoniʻi kitautolu ʻi hono akoʻi ʻa e ngaahi lēsoni ʻi he polosiua Ongoongo Lelei mei he ʻOtuá! Ko e anga-mahení, ko e vitiō taki taha ʻoku fehoanakimālie ia mo e taha ʻo e ngaahi fehuʻi ʻoku tohiʻi mataʻāʻā ʻi he polosiuá. Ko e tatau fakaʻilekitulōniká ʻoku fakakau ai ʻa e link ʻokú ne fakamanatu mai ʻa e taimi ke huluʻi ai ʻa e foʻi vitiō taki taha. Tānaki atu ki aí, ko ha ngaahi vitiō ki he ngaahi fakamatala fakalahi ki he ʻū tohi akó ʻoku ʻi heʻetau Puha Meʻangāue Fakafaiako.

ʻOkú ke lāulea ʻi ha kaveinga mei he Tohi Tapú ʻe faingataʻa nai ki hoʻo tokotaha akó ke ne mahinoʻi? Pe ʻoku fekuki hoʻo tokotaha akó mo ha ʻahiʻahi pau? Kumi ha ngaahi vitiō ʻi he jw.org® mo e JW Broadcasting® ke maʻu ʻa e vitiō ʻe feʻungamālie mo iá. Mahalo ʻe lava ke ke sio fakataha mo hoʻo tokotaha akó ʻi ha taha ʻo e vitioó pea lāulea ki ai.

ʻI he māhina taki taha, ʻoku tukuange atu ai ha ngaahi vitiō foʻou. ʻI hoʻo sio aí, fakakaukau ki he founga ʻe lava ke ke ngāueʻaki kinautolu ke akoʻi ʻaki ʻa e niʻihi kehé.