Loto-Toʻa

Meʻa Naʻe Fai ʻe Sīsuú

VITIŌ: Akonaki ʻa Sīsū ki ha Talavou Pule Koloaʻia

1. Sio ʻi he VITIOÓ, pe lau ʻa e Maʻake 10:​17-22. Fakakaukau leva ki he ongo fehuʻi ko ení:

1. a. Ko e hā nai ʻa e ngaahi ʻulungaanga lelei naʻe sio ki ai ʻa Sīsū ʻi he pule kei talavoú?

2. e. Ko e hā naʻe fiemaʻu fakatouʻosi ai kia Sīsū ʻa e ʻofá mo e loto-toʻá ke ne ʻoatu ʻa e akonaki ki he tangatá?

Ko e Hā ʻOku Tau Ako meia Sīsuú?

2. ʻOku fiemaʻu ke tau lea anga-ʻofa kae hangatonu ki heʻetau kau akó ke tokoniʻi kinautolu ke nau fai ha fakalakalaka fakalaumālie.

Faʻifaʻitaki kia Sīsū

3. Tokoniʻi hoʻo tokotaha akó ke ne fokotuʻu ha ngaahi taumuʻa pea aʻusia ia.

1. a. Ngāueʻaki ʻa e konga “Meʻa ke Fai” ʻi he lēsoni taki taha ʻo e Fiefia ʻi he Moʻuí ʻo Taʻengata!

2. e. Tokoniʻi hoʻo tokotaha akó ke ne ʻiloʻi ʻa e ngaahi sitepu pau ki hono aʻusia ʻa e ngaahi taumuʻa taimi nounoú mo e ngaahi taumuʻa taimi lōloá.

3. f. Fakaongoongoleleiʻi maʻu pē hoʻo tokotaha akó ki heʻene fakalakalaká.

4. ʻIloʻi ʻa e taʻofiʻanga ki he fakalakalaka hoʻo tokotaha akó pea tokoni ke ne ikuʻi ia.

1. a. ʻEke hifo:

   • ‘Kapau ʻoku ʻikai ke fakalakalaka ʻeku tokotaha akó ke papitaiso, ko e hā ʻokú ne taʻofi iá?’

   • ‘Ko e hā ʻa e tokoni ʻaonga ʻe lava ke u faí?’

2. e. Lotu ki ha loto-toʻa ke ke talanoa hangatonu mo anga-ʻofa ki he meʻa ʻoku fiemaʻu ke fai ʻe hoʻo tokotaha akó.

5. Taʻofi ʻa e ngaahi ako ʻoku ʻikai fakalakalaká.

1. a. Fakapapauʻi pe ʻoku fakalakalaka hoʻo ako Tohi Tapú ʻaki hono ʻeke hifo:

   • ‘ʻOku ngāueʻaki ʻe he tokotaha akó ʻa e meʻa ʻokú ne akó?’

   • ‘ʻOkú ne maʻu ʻa e ngaahi fakataha ʻa e fakatahaʻangá pea vahevahe ʻa e moʻoní ki he niʻihi kehé?’

   • ‘Kapau kuó ne ako ʻi ha vahaʻa taimi fuoloa, ʻokú ne loto ke hoko ko ha taha ʻo e Kau Fakamoʻoni ʻa Sihová?’

2. e. Kapau ʻoku ʻikai ke loto-lelei ʻa e tokotaha ako Tohi Tapú ke fakalakalaka:

   • Kole ange ke ne fakakaukau pe ko e hā nai ʻa e meʻa ʻokú ne taʻofi ia mei heʻene fakalakalaká.

   • Fakamatalaʻi fakapotopoto ʻa e ʻuhinga ʻoku taʻofi ai ʻa e akó.

   • ʻAi ke ne ʻiloʻi ʻa e fakalakalaka ʻoku fiemaʻu ke ne faí ki muʻa ke ke toe hoko atu ʻa e akó.