Ko e Anga ʻo e Tokoni ʻa e Niʻihi ki he Ngāue ko Hono Malangaʻi ʻo e Puleʻangá
◻ NGAAHI TOKONI KI HE NGĀUE ʻI MĀMANI LAHÍ: ʻOku vaheʻi pe fakafuofua ʻe he tokolahi ʻa e lahi ʻo e meʻa ke nau lī ki he ngaahi puha tokoni ʻoku fakaʻilongaʻi: “Meʻaʻofa ki he Ngāue ʻa e Sōsaieti ʻi Māmani Lahi—Mātiu 24:14.” ʻI he māhina taki taha ʻoku ʻave ai ʻe he ngaahi fakatahaʻangá ʻa e ngaahi tokoni ko ʻení ki he ʻuluʻi ʻōfisi ʻi Brooklyn, New York, pe ki he ʻōfisi vaʻa ofi tahá.
◻ NGAAHI MEʻAʻOFA: Ko e ngaahi tokoni loto-fiefoaki fakaepaʻangá ʻoku lava ke ʻave fakahangatonu ia ki he Watch Tower Bible and Tract Society of Pennsylvania, 25 Columbia Heights, Brooklyn, New York 11201-2483, pe ki he ʻōfisi vaʻa fakalotofonua ʻa e Sōsaietí ʻoku fengāueʻaki fakataha mo homou fonuá. Ko ha ngaahi kahoa, vesa, mama, mo e hau mahuʻinga pe ngaahi meʻa mahuʻinga kehé ʻe lava ke toe ʻoatu mo ia ko e ngaahi tokoni. ʻOku totonu ke ʻave fakataha ʻa e ngaahi tokoni ko ʻení mo ha kiʻi tohi nounou ʻo fakahaaʻi ai ko e meʻaʻofa maʻataʻatā ia.
◻ FOKOTUʻUTUʻU TOKONI-FAKANGATANGATA: ʻOku malava ke ʻoatu ha paʻanga ki he Sōsaieti Taua Leʻo ke nau ngāueʻaki ʻo aʻu ki he mate ʻa e tokotaha-foakí, tukukehe ʻo ka fiemaʻu ʻe he tokotaha-foakí ʻa e paʻangá pea ʻe lava ke ne toe maʻu ia.
◻ MALUʻI: ʻOku lava ke ʻai ʻa e Sōsaieti Taua Leʻo ko e tokotaha ia ke ne maʻu ʻa e paʻanga ʻi ha maluʻi moʻui pe ʻi ha totongi ʻoku maʻu mei ha vāhenga mālōlō pe penisoni. ʻOku totonu ke fakahā ki he Sōsaietí ha ngaahi fokotuʻu pehē.
◻ PAʻANGA ʻOKU FAKAHŪ KI HE PANGIKĒ: Ko e paʻanga ʻi he pangikē, ko ha paʻanga ʻoku ʻi he pangikē ʻi ha vahaʻa taimi, pe ko ha paʻanga ʻokú te vaheʻi mei heʻete vāhenga mālōloó ʻoku lava ke tauhi maʻá e pe ke fai hono totongi ʻi haʻate mate ki he Sōsaieti Taua Leʻo, ʻo fakatatau ki he ngaahi fiemaʻu ʻa e pangikē fakalotofonuá. ʻOku totonu ke fakahā ki he Sōsaietí ha ngaahi fokotuʻu pehē.
◻ ʻINASI ʻI HA KAUTAHA: ʻOku malava ke foaki ʻa e ʻinasi ko iá ko ha meʻaʻofa maʻataʻatā ki he Sōsaieti Taua Leʻo pe ko e fokotuʻutuʻu ko ia ʻa ia ʻoku hoko atu ʻa hono totongi ki he tokotaha-foakí ʻa e tupu ʻokú ne maʻu mei he ʻinasi ko iá.
◻ KONGA KELEKELE: Ko e konga kelekele ʻoku malava ke fakatau atú ʻoku lava ke foaki ia ki he Sōsaieti Taua Leʻo ʻi hono fai ʻaki ha meʻaʻofa maʻataʻatā pe ko hono tuku ke kei nofo ai ʻa e tokotaha-foakí he lolotonga ʻene kei moʻuí. ʻOku totonu ke te fetuʻutaki ki he Sōsaietí ki muʻa ʻi hono fai ʻa e aleapau fekauʻaki mo ha faʻahinga konga kelekele pē ke foaki.
◻ TOHITUKU MO E ALEAPAU: ʻE malava ke foaki ha konga kelekele pe ko ha paʻanga ki he Watch Tower Bible and Tract Society of Pennsylvania ʻo fakafou ʻi ha tohituku kuo fai fakalao, pe ke maʻu ʻe he Sōsaietí ʻa e ngaahi lelei mei he aleapaú. ʻE fakasiʻisiʻi nai ʻa e totongi tukuhaú ʻi ha tohi aleapau ke foaki ha meʻa ki ha kautaha fakalotu. ʻOku totonu ke ʻave ki he Sōsaietí ha tatau ʻo e tohitukú pe tohi aleapaú.
Ki ha toe fakamatala lahi ange fekauʻaki mo e ngaahi meʻá ni, tohi ki he International Bible Students Association, Box 673, Apia, Western Samoa, pe ki he ʻōfisi vaʻa ofi taha ʻo e Sōsaietí ʻoku fengāueʻaki fakataha mo homou fonuá.