Te Ke Fie Ngāue ʻi ha Feituʻu ʻOku ʻIkai ke Vaheʻi?

Hangē ko ia naʻe fakamatalaʻi ʻi he tohi ʻa e Sōsaietí ʻo Fepueli 1, 1996, kuo fakaafeʻi ha ngaahi kulupu ʻo e kau malangá ke nau toe tokoni ki hono ngāueʻi ʻa e feituʻu ʻoku ʻikai ke vaheʻí pe tātātaha hono ngāueʻí he taʻú ni. Kapau ʻokú ke kau ʻi ha konga ʻo ha kulupu kuo ʻosi vaheʻi pau ʻe he Sōsaietí ke ngāue ʻi he feituʻu peheé, ko e fakamatala ʻeni ʻe tokoni kiate koe ʻi hono fai hoʻo ngaahi fokotuʻutuʻú: ʻI he ʻikai ke ngāueʻaki ʻa e ngaahi tohi iikí pea mo e ngaahi polosiuá ko e tuʻuaki tefitó, ʻe lava ke ke ngāueʻaki ʻa e ngaahi tohi Te Ke Malava ʻo Moʻui Taʻengata he Palataisi ʻi he Māmaní, pe Fāʻūtaha ʻi he Lotu ki he ʻOtua Moʻoni Pē Taha. Kapau ʻoku ʻikai te ke ala maʻu ʻa e ngaahi tohí ni ʻoatu leva ha ʻota he vave tahá koeʻuhi ka ke maʻu ʻa e meʻa ʻokú ke fiemaʻú ke ngāueʻaki ʻi he feituʻu ʻoku ʻikai ke vaheʻí.