Maʻu ʻa e Lelei Taha mei he Akoʻangá
1 ʻOku ʻeke ʻe he kau talavou tokolahi: “ʻOku fiemaʻu moʻoni ke u ʻalu ki he akó?” Neongo ʻoku ʻi ai nai ʻa e ngaahi palopalema mo e ngaahi loto-moʻua fakataha mo e ʻalu ki he akó, ʻoku toe ʻi ai mo e ngaahi ʻaonga lahi, ke maʻu ʻe he toʻutupu ʻoku nau ʻai kinautolu koeʻuhi ke maʻu ʻa e lelei taha mei heʻenau akó.
2 Ko ha ako tefito lelei ʻe lava ke tānaki atu ia ki he fakalakalaka fakalaumālie ʻa ha taha. Ko e meʻa ʻoku fai ʻe ha taha he lolotonga ʻo ʻene kei talavoú ko ha fua lahi ia ʻe malava ke hoko ʻi haʻane fuʻu lahi. ʻI he fekauʻaki mo e akó, “ʻilonga pe meʻa ʻoku to ʻe ha tangata, ko ia ia te ne utu foki.” (Kal. 6:7) Ko e kau talavou ʻoku nau ako fakamātoato ʻenau ngaahi lēsoni ki he akó ʻe lava ke nau maʻu ʻa e pōtoʻi te ne ʻai ai kinautolu ke ʻaonga lahi ange kia Sihová.
3 Ko e tomuʻa fakakaukau leleí ʻoku fiemaʻu ia kapau ʻoku fai ʻe ha taha ha ngaahi fili totonu ʻo e ako ke faí. ʻOku totonu ki he ngaahi mātuʻá ke nau filifili ha taha ʻe maʻu ai ha ako ʻaonga lahi ange ke nau aʻu ai ki ha ngaahi taumuʻa fakalaumālie ʻi he moʻuí. ʻI he tupulekina ʻenau pōtoʻí, ʻe maʻu ai ʻe he kau talavoú ʻa e lelei ko e hoko ʻo nau poupou ki he ngāue tāimuʻá. Ko ʻenau ako tefitó ʻoku totonu ke ne tokoniʻi kinautolu ke nau fakahīkihikiʻi ʻa Sihova pe ko fē ha feituʻu te nau ngāue ai.
4 Toʻutupu, feinga ke maʻu ʻa e lelei taha mei he ngaahi taʻu ʻo hoʻomou akó. ʻI he fai peheé, ʻoku fakahangataha ai ʻa e tokangá ke moʻui ʻi ha moʻui mohu ʻuhinga mo fiemālie ʻi he ngāue toputapú, ʻo ʻikai ko e tuli ki ha ngāue fakamāmani. Feinga ke ngāueʻaki hoʻo moʻuí ʻi hono fai ʻa e finangalo ʻo Sihová. Ko ia ai, ʻe lavameʻa ai ho halá, ʻo lāngilangiʻia ai ʻa Sihova.—Sāme 1:3.