ʻE Lava ke Tau Tuʻuaki ʻa e Tohi Creator?
ʻI he taʻu kuo ʻosí naʻa tau fiefia kotoa pē ke maʻu ʻa e tohi ko e Is There a Creator Who Cares About You? Ko ha tohi ia naʻe faʻu makehe maʻá e faʻahinga ʻa ia neongo naʻa nau ako lelei ʻi he ngaahi meʻa fakamāmaní, ʻoku ʻikai nai te nau tui ki he ʻOtuá. Ko e tohí ni ʻoku ʻikai ke ala maʻu ʻi he lea faka-Tongá, ka ko e tokolahi taha ʻo e kau ako leleí ʻoku lava ke nau lau ʻa e lea faka-Pilitāniá. Ko ia, ʻoku fonu ʻi he tohí ni ʻa e fiemaʻu lahi ʻaupito.
Ki ha ngaahi ʻuhinga ʻaonga, ko e ngaahi tohi ʻoku tuʻuaki fakamāhiná ʻoku faʻa fakaeʻa ai ʻa e ngaahi tohi kuo fakamānako lahi ange. ʻOku ʻuhinga hení ʻoku totonu ke tau fakaʻehiʻehi ai mei hono tuʻuaki ʻa e tohi Creator? ʻIkai ʻaupito! ʻI he ngaahi feituʻu ʻoku ʻi ai ʻa e kakai ʻoku nau lautohi faka-Pilitāniá, ʻoku tuʻuaki nai ʻa e tohí ni ʻi ha faʻahinga taimi pē he lolotonga ʻo e taʻú ki he faʻahinga tāutaha ʻoku ʻikai ke tui ki he ʻOtuá pea te nau maʻu ʻaonga nai mei aí. ʻE toe tuʻuaki nai ia ki he faʻahinga tāutaha ʻoku nau tui ki he ʻOtuá ka ʻoku ʻikai haʻanau fakakaukau moʻoni pe ko hai ia pe ko e hā hono ngaahi ʻulungāngá mo ʻene ngaahi taumuʻá. Kapau ʻoku ʻi ai haʻo faʻahinga hangē ko ʻení ʻi ho feituʻú, ʻoku fakalototoʻaʻi atu koe ke faʻo ha tatau ʻi hoʻo kato malangá pea mateuteu ke tuʻuaki ia ki ha taha pē ʻokú ke fakakaukau ʻe mahuʻingaʻia ke lau ia.