Ko Hono Langa Hake ʻa e Houngaʻia ki he The Bible—Mankind’s Oldest Modern Book
Ko e ngaahi fehuʻi hoko haké ʻokú ne fakamamafaʻi ʻa e ngaahi poini kuó ke fakatokangaʻi nai ʻi hoʻo mamata ʻi he foʻi vitiō ko ʻení: (1) Ko e hā ʻa e ngaahi moʻoniʻi meʻa ʻokú ne fakafaikehekeheʻi ʻa e Tohitapú ʻi ha tuʻunga ʻoku ʻikai hano tatau? (2) ʻOmai ha faʻifaʻitakiʻanga ʻo e anga ʻa e felotoi ʻa e Tohitapú, neongo ʻene motuʻá, mo e saienisi ʻo onopōní. (3) ʻOku lava fēfē ke tau fakapapauʻi ko e Tohitapu ʻo e ʻaho ní kuo ʻikai ke liliu ia mei he ngaahi ʻuluaki hikí? (4) Ko e hā ʻa e tafaʻaki fakaetohi tuʻu-ki-muʻa ʻo e ngaahi maniusikilipi Tohitapu motuʻá, pea ko e hā ʻa e tuipau ʻoku fakahūhū mai heni kiate koé? (5) ʻI he founga fē naʻe tokoni ai ʻa John Wycliffe, Johannes Gutenberg, William Tyndale, Mary Jones, mo Charles Taze Russell ki hono fakamafola ʻa e Folofola ʻa e ʻOtuá takatakai ʻi he māmaní? (6) Naʻe anga-fēfē hono fakafepakiʻi anga-kakaha ʻe he siasí ʻa e Tohitapú, ka ko e hā naʻá ne ʻai ke malava ʻo fakahaofi mai ia ke aʻu mai ki hotau taimí? (7) Ko e hā hono lahi ʻa hono liliu mo pulusi ʻe he kautaha ʻa Sihová ʻa e ngaahi Tohitapú? (8) ʻOku anga-fēfē ʻa hono tokoniʻi ʻe he akonaki ʻaonga ʻa e Tohitapú ʻa e kakaí ke nau feangai mo ʻenau ngaahi palopalema ʻo e maʻunimā ʻe he pelepaʻangá (1 Tim. 6:9, 10), māvae mo e taʻemateaki ʻi he nofo malí (1 Kol. 13:4, 5; Ef. 5:28-33), pea mo e nōfoʻi ʻi he ngaahi koloa fakamatelié (Mt. 16:26)? (9) Ko e hā ʻa e fakamoʻoni ʻoku ʻi ai ko hono ngāueʻaki ʻa e ngaahi tefitoʻi moʻoni Fakatohitapú ʻoku lava ke ikunaʻi ai ʻa e tāufehiʻa fakafonuá, fakafaʻahingá, mo e fakamatakali ʻi he māmaní? (10) ʻI he ngaahi founga fē ʻoku ʻomai ai ʻa e fiefia lahi ange ʻi hono ako ʻa e ngaahi meʻa ʻi loto ʻi he Tohitapú? (11) Ko hai ʻokú ke fakakaukau te ne maʻu ʻa e ʻaonga mei he foʻi vitiō ko ʻení, pea ʻe anga-fēfē ʻa hoʻo ʻoatu ia kiate kinautolú?