The Bible—A Book of Fact and Prophecy

Ko e Mankind’s Oldest Modern Book ko e fuofua vitiō kehekehe ia ʻe tolu ʻoku maʻu ʻi he DVD The Bible—A Book of Fact and Prophecy. Hili ʻa e mamata ʻi he vitiō ko ení, tali ʻa e ngaahi fehuʻi hokó:

(1) ʻI he ngaahi founga fē ʻoku feongoongoi ai ʻa e Tohi Tapú mo e saienisi ʻi onopōní? (2) ʻE lava fēfē ke tau fakapapauʻi ko ʻetau Tohi Tapu ʻi onopōní ʻokú ne fakafofongaʻi totonu ʻa e ngaahi ʻuluaki hikí? (3) Ko e hā ʻa e tafaʻaki fakaetohi tuʻu-ki-muʻa ʻo e ngaahi maniusikilipi Tohi Tapu motuʻá? (4) ʻI he ngaahi founga fē naʻe tokoni ai ʻa John Wycliffe, Johannes Gutenberg, William Tyndale, John Hus, Martin Luther, Casiodoro de Reina, mo Charles Taze Russell ki hono fakamafola ʻo e Folofola ʻa e ʻOtuá takatakai ʻi he māmaní, pea naʻe anga-fēfē ʻa e fakafepakiʻi kakaha ʻe he siasí ʻa e Tohi Tapú? (5) ʻOku anga-fēfē hono tokoniʻi ʻe he akonaki ʻaonga ʻa e Tohi Tapú ʻa e kakaí ke nau fekuki mo e ngaahi palopalema hangē ko e mahamahakí (Sāme 34:8), maʻunimā ʻe he pelepaʻangá (1 Tim. 6:9, 10), māvae ʻi he nofo malí mo e taʻemateakí (1 Kol. 13:4, 5; Ef. 5:28-33), mo e nōfoʻi ʻi he ngaahi koloa fakamatelié (Mt. 16:26)? (6) Ko e hā ʻa e fakamoʻoni ko hono ngāueʻaki ʻa e ngaahi tefitoʻi moʻoni Fakatohitapú ʻoku lava ke ikuʻi ai ʻa e tāufehiʻa fakafonuá, fakafaʻahingá mo e fakamatakalí (Luke 10:27)? (7) ʻI he ngaahi founga fē kuo ʻoatu ai kiate koe ʻa e fiefia lahi ange ʻi he pipiki ki he ngaahi tefitoʻi moʻoni Fakatohitapú? (8) ʻE lava fēfē ke ke ngāueʻaki ʻa e foʻi vitiō ko ení ke tokoniʻi ʻa e niʻihi kehé?—Sio ki he ʻEtau Ngāue Fakafaifekau ʻo e Puleʻanga ʻo Fepueli 2006, peesi 8.