The Bible—Its Power in Your Life

Kuo tokoniʻi ʻe he Tohi Tapú ʻa e kakai ʻe laui miliona ke liliu ʻenau moʻuí ki he lelei ange. Ko e hā ʻa e niʻihi ʻo e ngaahi tefitoʻi moʻoni fakatohitapu, ʻi hono ngāueʻaki kinautolú, ʻe tokoniʻi ai kitautolu ke fekuki mo e ngaahi palopalema ʻi onopōní? ʻE ʻikai ha veiveiua te ke fiefia ʻi hono ʻiloʻi ʻa e tali ki he fehuʻi ko ení ʻi he lāulea ki he The Bible—Its Power in Your Life, ko e konga hono ua ʻo e foʻi vitiō konga tolu ʻoku ʻi he DVD The Bible—A Book of Fact and Prophecy. ʻI he hili ʻa e sio ʻi he foʻi vitiō ko ení, te ke lava ʻo tali ʻa e ngaahi fehuʻí ni?

(1) ʻI he founga fē ʻoku mahulu ange ai ʻa e Tohi Tapú ʻi ha ngāue mataotao fakaefaʻutohi pē? (Hep. 4:12) (2) Kapau ʻoku lava ʻe he Tohi Tapú ʻo tokoniʻi ʻa e kakaí ke fakalakalaka ʻenau moʻuí, ko e hā ʻa e ʻuhinga ʻoku fuʻu lahi fau ai ʻa e ngaahi palopalema ʻa e faʻahinga ʻo e tangatá? (3) Ko e hā ʻa e kaveinga tefito ʻo e Tohi Tapú? (4) Ko e ngaahi konga Tohi Tapu fē naʻe lave ki ai, ʻe lava ke tokoni ki he ngaahi hoa malí ke (a) fakaleleiʻi ʻenau fetuʻutakí mo (e) mapuleʻi ʻenau ʻitá? (5) ʻOku anga-fēfē hono liliuʻi ʻe he vakai faka-Kalisitiane ki he nofo malí ʻa e moʻui fakafāmilí ki he lelei angé? (Ef. 5:28, 29) (6) Kuo anga-fēfē hono fokotuʻu ʻe Sihova ha faʻifaʻitakiʻanga haohaoa ki he mātuʻá? (Mk. 1:9-11) (7) ʻE lava fēfē ke ʻai ʻe he ngaahi mātuʻá ʻa e ako fakafāmilí ke fakamānako? (8) Tuku kehe ʻa e ako Tohi Tapú, ko e toe hā mo ha meʻa ʻoku ueʻi ʻe he Folofola ʻa e ʻOtuá ʻa e ngaahi mātuʻá ke nau tokonaki maʻa ʻenau fānaú? (9) ʻOku anga-fēfē ʻa e tokoni ʻa e faleʻi Fakatohitapú ki he ngaahi fāmilí ke nau matuʻuaki ʻa e tuʻunga fakaʻekonōmiká? (10) ʻI hono ngāueʻakí, ko e hā ʻa e ngaahi tefitoʻi moʻoni Fakatohitapu fekauʻaki mo e tuʻunga maʻá, ngāuekoviʻaki ʻo e faitoʻo kona tapú mo e kava mālohí pea mo e loto-mafasiá, ʻe tokoni ki hono fakasiʻisiʻi ʻa e ngaahi palopalema fakaemoʻuileleí? (11) Ko e hā ʻa e ngaahi talaʻofa Fakatohitapu ʻe lava ʻo tokoniʻi kitautolu? (Siope 33:25; Sāme 145:16) (12) Kuo anga-fēfē hono ʻai ʻe he ngaahi tefitoʻi moʻoni ʻi he Folofola ʻa e ʻOtuá ke kehe ʻa hoʻo moʻuí tonu? (13) ʻE lava fēfē ke ke ngāueʻaki ʻa e foʻi vitiō ko ení ke tokoniʻi ʻa e niʻihi kehé?