Maongo ʻa e Foʻi Vitiō The Bible—Its Power in Your Life
ʻI he tali ki he ngaahi fehuʻi hoko haké, fakahaaʻi ʻa hoʻo ngaahi ongoʻi loloto fekauʻaki mo e pōpoaki ʻoku ʻi he foʻi vitiō ko ʻení. (1a) Ko e hā kuó ne fakaivimālohiʻi ʻa e laui miliona ʻo e kakaí ke liliu ʻenau moʻuí ki he lelei angé? (Hep. 4:12) (1e) Ko e hā ʻoku fiemaʻu ki hono maʻu ʻa e mālohi ko ʻení pea ngāueʻaki ia ʻi heʻete moʻuí? (2) Ko e ngaahi konga Tohitapu fē naʻe lave ki ai ke tokoni ki he ngaahi hoa malí ke (a) fakaleleiʻi ʻenau fetuʻutakí mo (e) mapuleʻi ʻenau ʻitá? (3) ʻOku anga-fēfē hono liliuʻi ʻe he vakai faka-Kalisitiane ki he nofo malí ʻa e moʻui fakafāmilí ki he lelei angé? (Ef. 5:28, 29) (4) Kuo anga-fēfē hono fokotuʻu ʻe Sihova ha faʻifaʻitakiʻanga haohaoa ʻi hono ʻoange ki he fānaú ʻa e meʻa ʻe tolu ʻoku nau saiʻia kotoa aí mo fiemaʻú, pea ʻoku lava fēfē ke fai ʻe he ngaahi mātuʻá ʻa e meʻa tatau ʻi he ʻahó ni? (Mk. 1:9-11) (5) Ko e hā ʻoku totonu ai ki he ngaahi mātuʻá ke nau akoʻi fakafoʻituitui ʻenau fānaú ki he Tohitapú, pea ko e hā ʻokú ne fakahaaʻi ʻa e fiemaʻu ke fai pehē maʻu peé? (Teu. 6:6, 7) (6) ʻE lava fēfē ke ʻai ʻe he ngaahi mātuʻá ʻa e ako fakafāmilí ke mahuʻingá? (7) Tuku kehe ʻa e ako Tohitapú, ko e toe hā mo ha meʻa ʻoku ueʻi ʻe he Folofola ʻa e ʻOtuá ʻa e ngaahi mātuʻá ke nau tokonaki maʻa ʻenau fānaú? (8) ʻOku anga-fēfē ʻa e tokoni ʻa e faleʻi faka-Tohitapú ki he ngaahi fāmilí ke nau matuʻuaki ʻa e tuʻunga fakaʻekonōmiká? (9) ʻI hono ngāueʻakí, ko e hā ʻa e ngaahi tefitoʻi moʻoni Fakatohitapu ʻoku tokoni ki hono fakasiʻisiʻi ʻa e ngaahi palopalema fakaemoʻuileleí? (10) Kuo anga-fēfē hono ʻai ʻe he ngaahi tefitoʻi moʻoni ʻi he Folofola ʻa e ʻOtuá ke kehe ʻa hoʻo moʻuí tonu? (11) Ko e hā ʻe fakalototoʻa nai ai ʻa e sio ʻi he foʻi vitiō ko ʻení ki ha tokotaha ʻokú ke ʻaʻahi ki ai ʻi he ngāue fakafaifekaú ke ne tali ha ako Tohitapu ʻi ʻapí?