Vakai ki he Mālohi ʻo e Tohitapú!

ʻOku anga-fēfē? ʻI he vakai ki he vitiō ko e The Bible​—Its Power in Your Life. Ko e voliume hono tolu ia ʻi he holongā tepi vitiō ʻoku fakakaveinga ko e The Bible​—A Book of Fact and Prophecy. Neongo ʻoku ʻikai ke faʻu ia ʻi he lea faka-Tongá, ʻoku ala maʻu ia ʻi he lea faka-Pilitāniá mo e ngaahi lea lahi kehe.

ʻOkú ke fiemaʻu ha nofo mali lavameʻa? ʻOku fiemaʻu kiate koe ha tokoni ke ke hao moʻui ai ʻi he ngaahi taimi faingataʻá? ʻE lava fēfē ke tupu hake ʻa e kau talavoú ʻo hoko ko e kakai lalahi fua fatongia? ʻOku lava ke tokoni ʻa e Tohitapú, hangē ko ia ʻoku fakahaaʻi ʻi he foʻi vitiō ko ʻení. Fanongo ki he fakamatalaʻi ʻe he kakaí ʻa e mālohi ki he leleí ʻa ia kuo fai ʻe he Tohitapú ki heʻenau moʻuí. Fanongo kiate kinautolu ʻi heʻenau fakamatalaʻi ʻa e founga naʻe tokoniʻi ai ʻe hono ngaahi tefitoʻi moʻoní kinautolu ke nau fehangahangai mo e ngaahi palopalema ʻo e moʻui ʻi onopōní.

Ko e foʻi vitiō ko ʻení ko ha meʻangāue mahuʻinga ia ki hono tokoniʻi ʻa e faʻahinga mahuʻingaʻia foʻoú ke nau sio ki he ngaahi ʻaonga ʻo hono ngāueʻaki ʻa e Folofola ʻa e ʻOtuá ko ha tataki ki heʻenau moʻuí. ʻOku maʻu ʻe he Sōsaietí ʻa e The Bible​—Its Power in Your Life ʻi he sitoká. ʻE lava ke ke kole ha tatau ʻo fakafou ʻi he sevāniti ki he ngaahi tohi ʻa e fakatahaʻangá.