Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Sep. 1
“ʻOku hohaʻa ʻa e tokolahi he ʻahó ni fekauʻaki mo e tupulaki ʻa e anga mātuʻaki fulikivanú ʻi he foʻi māmaní. Ko e tangatá nai pe ko ha mālohi lahi ange ʻoku tuʻu mei mui ʻi he hisitōlia ʻo e faʻahinga ʻo e tangatá ʻi he fakamālohí mo e tāufehiʻá? [Tuku ke ne tali.] Ki he tokolahi ko e tēvoló ko ha tokotaha moʻoni ia ka ki ha niʻihi ko ha tui-fakafaʻahikehe launoa pē. ʻOku ou fakapapauʻi te ke ʻilo ko e makasini ko ʻení ʻoku fakamaama ʻaupito.”
ʻĀ Hake! Siu.–Sep.
“ʻI he ngaahi taʻu ki muʻa atú ʻi he ʻotu motú ni, naʻe faingofua ange ai ʻa e moʻuí pea ko e tuʻunga fakavavevave ʻo e moʻuí naʻe māmālie ange. ʻOkú ke loto-tatau ʻoku hoko ʻo vave ange ʻa e moʻuí ʻo hangē ko e ngaahi fonua mulí? [Tuku ke ne tali.] ʻOku fakamatala ʻa e makasini ko ʻení ki he ngaahi founga ke tauhi ai ʻa e tuʻunga lelei ʻo ʻetau moʻuí pea kei maʻu pē ha taimi ki he fāmilí, ngaahi kaumeʻá pea mo kita.”
Ko e Taua Leʻo Sep. 15
“ʻOku ʻi ai ʻa e kau ʻofa ki he moʻoní ʻi he meimei lotu kotoa pē. Ka, ʻoku hehema ʻa e ngaahi lotú fakalūkufua ke fakamavahevaheʻi ʻa e tangatá. Ko e hā ʻe fiemaʻu ke fakafāʻūtahaʻi ai ʻa e kakai loto-totonú? [Hili haʻane tali, lau ʻa e Sefanaia 3:9.] ʻOku fakahā ʻe he makasini ko ʻení ʻa e founga ʻoku fakafāʻūtahaʻi ai ʻe he ʻiloʻi ʻo e ʻOtua moʻoní ʻa e kakai ʻi he feituʻu kotoa pē.”
Awake! Sep. 22
“ʻOku fakamaʻamaʻaʻi ʻe he tokolahi taha ʻo kitautolú ʻo pehē ʻe lahi maʻu pē ʻa e meʻa ke kaí. Ka ʻi he taimí ni ʻoku ʻi ai ʻa e hohaʻa ʻo pehē ʻe ʻai nai ʻe he saienisí ʻetau tokonakiʻanga meʻakaí ke ʻi ha tuʻunga fakatuʻutāmaki. ʻOku fakamatalaʻi ʻe he makasini ko ení ʻa e niʻihi ʻo e ngaahi hohaʻa ko iá pea pehē ki he ʻamanaki faka-Tohitapu ki ha fakaleleiʻanga moʻoni ki he palopalemá.”