Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Mas. 15
“Te ke loto-tatau ʻe ʻai ʻe he tuʻunga-pule haohaoá ʻa e māmani ko ʻení ko ha feituʻu lelei ange ke moʻui ai? [Tuku ke ne tali.] Kātaki ʻo fakatokangaʻi ʻa e meʻa ʻoku talaʻofa mai ʻaki ʻe he Tohitapú. [Lau ʻa e Sāme 37:11.] ʻE lava ke tau maʻu ʻa e melino peheé, ʻa ia ʻe hoko ia ʻo moʻoni ʻi ha malumalu ʻo ha Taki haohaoa ʻa ia ʻoku fakapapauʻi mai ʻi he ngaahi kupu ko ʻení.”
Awake! Mas. 22
“ʻOku lava ke fakatupunga ʻe he ngaahi mofuiké ha mate mo ha ʻauha taʻefaʻalaua. ʻOku faʻa tukuhāusia ai ʻa e kau haó, ʻo ʻikai ha koloa fakamatelie ki ha fakaakeake. ʻOku fakahaaʻi ʻe he ʻīsiu ko ʻeni ʻo e Awake! ʻa e founga kuo malava ai ke fekuki ʻa e kau faingataʻaʻiá mo e nunuʻa ʻo ha mofuike. ʻOku fakamatalaʻi foki ai ʻa e anga ʻo e hoko ʻa e ngaahi mofuiké ko ha konga ia ʻo e kikite faka-Tohitapu mātuʻaki mahuʻinga.”
Ko e Taua Leʻo ʻEp. 1
“Tuku ke u vahevahe atu kiate koe ha fakakaukau fakalotomāfana mei he Tohitapú. [Lau ʻa e Mātiu 22:37.] Ko e hā hoʻo fakakaukau ki he ʻuhinga ʻo iá? [Tuku ke ne tali.] Fakatokangaʻi ʻa e kupu ko ʻení, ‘Kumi ki he ʻOtuá ʻAki Ho Lotó mo e ʻAtamaí.’ Ko e tui moʻoní ko ha meʻa pē ia ʻo e lotó, pe ʻoku totonu ke toe kaunga ki ai mo e ʻatamaí? ʻOku fakatupu ʻilo ʻa e talí.”
Awake! ʻEp. 8
“Hangē ko ia ʻokú ke ʻiloʻí, ko hono tokangaʻi ʻo ha fāmili ko ha pole ia ʻi he ngaahi ʻahó ni, pea ko e hoko ko ha faʻeé ko ha ngāue lahi. Ko e ʻīsiu ko ʻeni ʻo e Awake! ʻoku ʻi ai ha fakamatala mahuʻinga ʻi he kaveinga ‘Tuʻunga Fakafaʻeé—ʻOku Fiemaʻu ki Ai ha Mālohi Mahulu Hake ʻi he Tangatá?’ Te u saiʻia ke tuku atu ʻa e tatau ko ʻení maʻau.”