Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Mē 15
“ʻOku tau fanongo fakaʻaho fekauʻaki mo e ngaahi līpooti ʻo e fakamālohí. ʻOkú ke fakakaukau naʻe hoko ki muʻa ʻa e ngaahi tuʻunga peheé? [Tuku ke ne tali.] Fakatokangaʻi ʻa e meʻa ʻoku leaʻaki ʻe he Tohitapú. [Lau ʻa e Mātiu 24:37.] Naʻe kovi ʻaupito ʻa e ngaahi ʻaho ʻo Noá ʻo fakaʻauha ʻosi ai ʻe he ʻOtuá ʻa e tokotaha kotoa tuku kehe pē ʻa Noa mo hono fāmilí. ʻOku fakahaaʻi ʻe he makasini ko ení ʻa e ʻuhinga ʻo e ngaahi meʻa ko iá kia kitautolu he ʻaho ní.”
Awake! Mē 22
“ʻI he ʻahó ni, ko e mahaki tupu mei he ʻinisēkité ko e taha ia ʻo e ngaahi fakatuʻutāmaki lahi ki heʻetau moʻuí. Naʻá ke ʻiloʻi ʻoku ʻi ai ʻa e ngaahi founga ʻe lava ke tau fai ke maluʻi ai kitautolu? [Tuku ke ne tali.] ʻOku lāulea ʻa e makasini ko ení ki he ngaahi founga ko iá, pea pehē ki he talaʻofa ʻa e Tohitapú ki ha taimi ʻa ia ʻe ʻikai toe ʻi ai ai ha mahakí.” Fakaʻosiʻaki hono lau ʻa e Aisea 33:24.
Ko e Taua Leʻo Sune 1
“Ko e līpooti ʻo e ngāuehalaʻaki ʻa e ngaahi paʻanga tokoní kuo fakatupunga ai ʻa e niʻihi ke nau fifili pe ʻoku fakapotopoto ke foaki ki he ngaahi kautaha tokoni ʻofá. Neongo ia, ʻoku fuʻu tokolahi ʻa e kakai ʻoku masivá. ʻOkú ke fakakaukau ko e hā ʻe lava ke faí? [Tuku ke ne tali. Pea lau ʻa e Hepelu 13:16.] ʻOku fakamatala ʻa e makasini ko ení ki he faʻahinga foaki ʻoku fakahōifua ki he ʻOtuá.”
Awake! Sune 8
“ʻOku hā ʻoku ʻikai fakamahuʻingaʻi ʻe he kakai he ʻaho ní ʻa e ngaahi ʻulungaanga maʻá mo e anga-leleí ʻo hangē ko ia ʻi he ngaahi taʻu kuohilí. Kuó ke fakatokangaʻi ʻoku hoko moʻoni ia? [Tuku ke ne tali.] ʻOku mahuʻingá, naʻe tomuʻa tala ʻe he Tohitapú ʻa e meʻa ko ení. [Lau ʻa e 2 Timote 3:1-5.] Ko e ʻīsiu ko eni ʻo e Awake! ʻoku lāulea ai ki he ʻuhinga ʻoku feliliuaki ai ʻa e ngaahi meʻa mahuʻinga ʻa e tangatá pea mo e meʻa ʻoku tuku tauhi mai ʻi he kahaʻú.”