Fakamanatu ʻAsemipilī Fakasēketi
ʻE ngāueʻaki ʻa e fakamatala ko ení ʻi he polokalama Fakataha Ngāué ʻi he taimi nounou ki muʻa mo e hili ʻa hono maʻu ʻe he fakatahaʻangá ʻa e ʻasemipilī fakasēketi ki he taʻu fakangāue ʻo e 2006. Ko e ʻovasia tauhí te ne fai ha fokotuʻutuʻu ki he tomuʻa vakai mo e fakamanatu ko ʻení, ʻo hangē ko ia ʻoku fokotuʻu mai ʻi he ʻEtau Ngāue Fakafaifekau ʻo e Puleʻanga ʻo Sepitema 2004 (8/04 pulusinga U.S.), peesi 4. Lolotonga ʻa e fakamanatú, ʻoku totonu ke ʻeke kotoa ʻa e ngaahi fehuʻí, ʻo fakahangataha ʻa e tokangá ki he founga ʻe lava ke tau ngāueʻaki ai ʻa e fakamatala naʻe ʻomaí.
ʻAHO ʻULUAKI
1. ʻOku anga-fēfē ʻetau ʻai ʻa e tangata foʻoú, pea ko e hā hono ʻuhinga kuo pau ke tau tauhi maʻu ai iá?
2. Kuo anga-fēfē hono fakalahi ʻe he niʻihi ʻa ʻenau kau atu ki he ngāue fakamalangá?
3. Ko e hā hono ʻuhinga ʻoku totonu ke tau fakaʻehiʻehi ai mei hono fakahoa kitautolu ki he niʻihi kehé?
4. ʻE lava fēfē ke fakahāhā ʻe he ngaahi mēmipa ʻo e fāmilí ʻa e tangata foʻoú ʻi he lotoʻi siakale fakafāmilí?
5. ʻE lava fēfē ke tau fakahāhā ʻa e poupou mateaki ʻi he lotoʻi fakatahaʻangá?
6. Ko e hā hono ʻuhinga ʻoku fiemaʻu ke tau fakahāhā ai ʻa e tangata foʻoú ʻi he malaʻe fakafaifekaú?
7. Ko e hā ʻoku kau ki he fakalaulauloto totonú, pea ʻoku anga-fēfē ʻetau maʻu ʻaonga mei he fakalaulauloto peheé?
8. Ko e hā ʻa e ngaahi anga te ne ʻai kitautolu ke fakafuo ʻe he toʻukupu ʻo Sihová?
ʻAHO UA
9. ʻOku mahuʻinga fēfē ke ngāuetotonuʻaki ʻa hotau ʻeleló?
10. Ko e hā ʻa e ngaahi ʻaonga ʻoku maʻu mei he lea lelei ki he kaungāngāué, kaungāakó pea mo e niʻihi kehé?
11. ʻE lava fēfē ke tau ngāueʻaki ʻa e faleʻi ʻa Paula ʻi he Efeso 4:25-32 ʻi heʻetau ngaahi feangainga mo e kaungātuí?
12. Ko e hā ʻa e ngāueʻaki ʻo hotau ʻeleló ʻoku lāngilangiʻia tahá?
13. Ko e hā kuo pau ke tau faí koeʻuhi ke tau ikunaʻi ai ʻa e filí?
14. ʻI he ngaahi tafaʻaki fē ʻoku totonu ke tau feinga ai ke nofo maʻu ʻo ʻikai ha ʻila mei he māmaní?
15. Ko e hā hono ʻuhinga kuo pau ke tau fakafoʻou fakaʻaho ai ʻa hotau tangata ʻi lotó, pea ʻe lava fēfē ke tau fai peheé?
16. Ko e hā ʻa e faleʻi mei he ʻasemipilī fakasēketi ʻo e taʻu ní ʻokú ke palani ke ngāueʻakí?