Fakamanatu ʻAsemipilī Fakasēketi

ʻE ngāueʻaki eni ke tomuʻa vakai pea mo fakamanatu ai ʻa e polokalama ʻasemipilī fakasēketi ki he taʻu fakangāue 2005. Ko e kupu “Fokotuʻutuʻu Foʻou ki Hono Fakamanatu ʻo e Ngaahi Polokalama ʻAsemipilií,” ʻa ia ʻoku hā ʻi he peesi 4 ʻo e fakalahi ko ení, ʻoku fakamatala ai ki he founga ke fakahoko ai ení. Lolotonga ʻa e fakamanatú, vahevahe ʻa e taimí koeʻuhi ke ʻeke kotoa ʻa e ngaahi fehuʻí. ʻOku totonu ke fakahangataha ʻa e fakamanatú ki he founga ʻe lava ke tau ngāueʻaki ai ʻa e fakamatala naʻe ʻomaí.

KONGA PONGIPONGI [PE EFIAFI] ʻO E ʻULUAKI ʻAHÓ

1. Ko e hā te ne tokoniʻi kitautolu ke maʻu ai ʻa e poto fakaʻotuá?

2. Ko e hā ʻa e feinga kuo fai ʻe he faʻahinga ʻi he sēketí ke aʻu ai ki he kakai tokolahi ange mo e ongoongo leleí?

KONGA EFIAFI [PE EFIAFI POʻULI] ʻO E ʻULUAKI ʻAHÓ

3. Ko e hā ʻoku mātuʻaki mahuʻinga ai ki he kau Kalisitiané ke nau hanganaki taʻemele fakaʻatamai mo fakalaumālié? Ko e hā ʻoku fiemaʻu ʻi he meʻá ni ke tau faí?

4. ʻE lava fēfē ke tau fakahaaʻi ʻoku tau fakamelino ki hotau fanga tokouá?

5. Ko e hā ʻa e anga-fakaʻatuʻi, pea ʻe lava fēfē ke tau fakahāhā ia ʻi he founga ʻo ʻetau ngāueʻaki ʻa hotau taimí?

6. Ko e hā ʻoku tau ako mei he ngaahi faʻifaʻitakiʻanga ʻa Saula pea mo Noá? ʻI he founga fē ʻe lava ke tau fakahaaʻi ai ʻoku tau “mateuteu ke talangofua”? (Sem. 3:​17, PM)

7. ʻE lava fēfē ke maluʻi ʻe he kau Kalisitiané kinautolu mei hono tataki ha moʻui lōuá?

8. ʻE lava fēfē ke tau faʻifaʻitaki ki he faʻifaʻitakiʻanga ʻa Paula ʻi heʻene leaʻaki ʻa e poto ʻo e ʻOtuá?

KONGA PONGIPONGI ʻO E ʻAHO HONO UÁ

9. Ko e hā kuo pau ai ke tau tokanga ʻi hono filifili ʻa e ngaahi ngāue ʻoku tau tuli ki aí, pea ko e hā te ne tokoniʻi kitautolu ke tau fai peheē?

10. Ko e hā ʻa e feinga ʻoku fai ʻe he faʻahinga ʻi he sēketí ke maʻu tuʻumaʻu ai ʻa e ngaahi fakatahá, pea kuo anga-fēfē ʻenau maʻu ʻaonga mei hono fai iá?

11. ʻE lava fēfē ke langa hake ʻe he ngaahi ʻuluʻi fāmilí ʻa honau ngaahi fāmilí?

12. Ko e hā ʻa e ngaahi fiemaʻu ʻa e sēketí naʻe ʻomai ki heʻetau tokangá?

KONGA EFIAFI ʻO E ʻAHO HONO UÁ

13. Hangē ko ia naʻe ʻohake ʻi he malanga maʻá e kakaí, ko e hā ʻa e ngaahi ngāue māʻoniʻoni kuo fakatupu ʻe he poto mei ʻolungá?

14. Ko e hā ʻoku fakavalevale ai ke falala kia kitautolu pe ki he faʻahinga ʻoku ʻikai ke tataki ʻe he poto fakaʻotuá? ʻI he ngaahi tafaʻaki fē ʻoku fiemaʻu ke tau tokanga ki aí?

15. Ko e hā ʻa e ngaahi tōʻanga ʻoku maluʻi kitautolu mei ai ʻe he poto fakaʻotuá?

16. Ko e hā ʻoku mātuʻaki mahuʻinga ai kia kitautolu ke ngāueʻaki ʻa e akonaki naʻe ʻomai ʻi he polokalama ʻasemipilī fakasēketí?