Fakamanatu ʻAho ʻAsemipilī Makehe
ʻE ngāueʻaki eni ke tomuʻa vakai pea mo fakamanatu ai ʻa e polokalama ʻaho ʻasemipilī makehe ki he taʻu fakangāue 2005. Ko e kupu “Fokotuʻutuʻu Foʻou ki Hono Fakamanatu ʻo e Ngaahi Polokalama ʻAsemipilií,” ʻa ia ʻoku hā ʻi he peesi 4 ʻo e fakalahi ko ení, ʻoku fakamatala ai ki he founga ke fakahoko ai ení. Lolotonga ʻa e fakamanatú, vahevahe ʻa e taimí koeʻuhi ke ʻeke kotoa ʻa e ngaahi fehuʻí. ʻOku totonu ke fakahangataha ʻa e fakamanatú ki he founga ʻe lava ke tau ngāueʻaki ai ʻa e fakamatala naʻe ʻomaí.
KONGA PONGIPONGI
1. Ko e hā ʻoku fiemaʻu fakautuutu ai ke fanongo kia Sihová? Ko e hā ʻa e ʻuhinga ʻo e pehē ke fanongó? (“ʻUhinga ke Fanongo Ai ki he Leʻo ʻo Sihová”)
2. ʻE lava fēfē ke tauhi maʻu ʻe he ngaahi fāmilí ha polokalama lelei ʻo e ngāue fakalaumālié? (“Ngaahi Fāmili ʻOku Fanongo ʻIkai Fakahohaʻasi ki he Folofola ʻa e ʻOtuá”)
3. Kuo anga-fēfē hono ngāueʻaongaʻaki ʻe he faʻahinga ʻi he sēketí ʻa e ngaahi faingamālie ke faifakamoʻoni ʻi he founga ʻikai anga-mahení? (“Fai ʻa e Meʻa Kotoa Pē ke Lāngilangi Ai ʻa e ʻOtuá”)
4. Ko e hā ʻa e ngaahi lēsoni ʻe lava ke tau ako mei he fakatātā fakaefakatokanga ʻoku maʻu ʻi he Hepelu vahe 3 mo e 4? ʻOku anga-fēfē ʻa e folofola mai ʻa Sihova kia kitautolu he ʻaho ní? (“Ko e Fanongo ʻi he Taimi ʻOku Folofola Ai ʻa e ʻOtuá ʻOkú Ne Maluʻi Kitautolu”)
5. Naʻe anga-fēfē hoʻo maʻu ʻaonga mei he malanga papitaisó? (“Fakatapui mo e Papitaiso”)
KONGA EFIAFI
6. Ko e hā ʻoku lava ke tau ʻiloʻi fekauʻaki mo Sīsū ʻi hono tuʻunga talavoú, pea ʻoku anga-fēfē ʻa e faʻifaʻitaki ʻa e kau talavou ʻi he sēketí ki heʻene faʻifaʻitakiʻangá? (“Founga ʻo Hono Fakaivia ʻo ʻEtau Kau Talavoú ʻe he Fanongo Tokanga ki he Folofola ʻa e ʻOtuá”)
7. Ko e hā ʻa e ngaahi founga ʻe niʻihi ʻe lava ke kamata akoʻi ai ʻe he ngaahi mātuʻá ʻa e fanga kiʻi pēpeé mo e fānau īkí ki he ngaahi founga ʻa Sihová? (“Fānau Iiki ʻOku Fanongo ki he ʻOtuá pea Akó”)
8. Ko e hā ʻa e ngaahi tafaʻaki pau ʻe niʻihi ʻoku fiemaʻu ai ke tau tokanga kia Sihova, ko hono ʻAló pea mo e “tamaioeiki agatonu mo boto”? (Mt. 24:45, PM) Ko e hā ʻoku mātuʻaki mahuʻinga ai ke fai peheé? (“Tokanga Hokohoko ki he Fakahinohino Fakaʻotuá”)