Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Sune 15
“ʻOkú ke fakakaukau ʻoku malava ke tau fiefia neongo ʻa e ngaahi palopalema ʻoku tau fehangahangai mo iá? [Tuku ke ne tali.] ʻOku fakahanga ʻe he makasini ko ení ʻetau tokangá ki ha matavai ʻo e tatakí ʻa ia ʻe lava ke ne tokoniʻi kitautolu ke tau fekuki lavameʻa ai mo e ngaahi tuʻunga faingataʻa ʻi he moʻuí. ʻOku toe lāulea ai ki he mālohi fakaetokoni ʻo e ʻamanaki moʻoní.” Lau ʻa e Fakahā 21:3, 4.
Awake! Sune
“ʻIkai ʻokú ke loto-tatau ko e ngaahi fakatamaki ki mui ní kuo fakaeʻa ai ʻa e mahuʻinga ʻo e tokanga ki he ngaahi fakatokangá? [Tuku ke ne tali.] ʻOku lāulea ʻa e kupu ko ení ki he ngaahi lēsoni naʻe ako ʻe he kau hao moʻui mei he afā ko Katrina. ʻOku toe lave ai ki ha fakatokanga ʻa ia ʻoku fiemaʻu kia kitautolu kotoa he ʻahó ni ke tau tokanga ki ai.” Fakaʻaliʻali ʻa e kupu ʻoku kamata ʻi he peesi 14.
Ko e Taua Leʻo Siu. 1
“ʻI he māmani fonu faingataʻa ʻo e ʻaho ní, ʻoku ʻeke ai ʻe he kakai tokolahi: ‘Ko e hā ʻa e ʻuhinga ʻoku palopalemaʻia ai ʻa e moʻuí? Kapau ʻoku ʻi ai moʻoni ha ʻOtua, ko e hā ʻoku ʻikai te ne fai ai ha meʻa ke fakangata ʻa e faingataʻá?’ Kuo faifai ange peá ke fifili ʻo kau ki he meʻa ko iá? [Tuku ke ne tali.] ʻOku ʻomai ʻe he makasini ko ení ʻa e ngaahi tali fakamaama ʻa e Tohi Tapú ki he ngaahi fehuʻi ko iá.” Lau ʻa e 2 Timote 3:16.
Awake! Siu.
“ʻI he ʻahó ni, ʻoku ʻi he tuʻunga faingataʻa ʻa e ngaahi nofo mali lahi. ʻOkú ke fakakaukau ʻe maʻu ʻaonga ʻa e ngaahi hoa malí mei hono ngāueʻaki ʻa e akonaki fakamānavaʻi ko ení? [Lau ʻa e Efeso 4:32. Pea tuku leva ke ne tali.] Ko e tatau ko eni ʻo e Awake! ʻoku lāulea ai ki he ngaahi tefitoʻi moʻoni ola lelei tuʻuloa ʻa e Tohi Tapú ʻa ia ʻe lava ke ne tokoniʻi kitautolu ke langa hake ai ha nofo mali fiefia.”