Meʻa ke Leaʻaki Fekauʻaki mo e Ngaahi Makasiní
Ko e Taua Leʻo ʻEp.-Sun.
“ʻOkú ke pehē naʻe mei ueʻi fēfē ʻa e ngaahi fāmilí kapau naʻa nau ngāueʻaki ʻa e faleʻi ko ení? [Lau ʻa e Efeso 4:31. Pea tuku ke ne tali.] ʻOku ʻomai ʻi he kupu ko ení ha ngaahi fokotuʻu ʻaonga mei he Tohi Tapú ke ngāueʻaki ki he ngaahi fekīhiakí pea tauhi maʻu ai ʻa e fiefia ʻi he nofo malí.” Fakaeʻa ʻa e kupu ʻoku kamata ʻi he peesi 19.
ʻĀ Hake! ʻEp.-Sun.
“Ko e tomuʻa fehiʻá ko ha palopalema lahi ia ʻi he ngaahi feituʻu lahi ʻo e māmaní. ʻI he taimi ʻe niʻihi ʻoku fai ai ʻa e siolalo ki he kakai fefiné. ʻOku anga-fēfē ʻa e vakai ʻa e ʻOtuá mo Kalaisi ki he kakai fefiné? [Tuku ke ne tali. Pea lau ʻa e 1 Pita 3:7.] ʻOku fakahaaʻi ʻa e ngaahi fakatātā Fakatohitapu lahi ʻi he kupu ʻoku kamata ʻi he peesi 4 pea ʻoku ʻasi ha fakamatala ʻi onopooni ʻi he peesi 7.”
Ko e Taua Leʻo Siu.-Sep.
“Ko e fakautuutu ʻo e ngaahi fakatamaki fakanatula ʻi hotau ʻahó kuo fakatupunga ai ke fifili ʻa e niʻihi pe ko hono tauteaʻi ia kitautolu ʻe he ʻOtuá. Ko e hā hoʻo fakakaukaú? [Tuku ke ne tali. Pea lau ʻa e 1 Sione 4:8.] ʻOku fakamatala ʻa e kupu ko ení ki he ʻuhinga ʻoku ʻikai ko e tupu ai mei he ʻOtuá ʻa e faingataʻa naʻe fakatupunga ʻe he ngaahi fakatamaki fakanatulá.” Fakaeʻa ʻa e kupu ʻi he peesi 19.
ʻĀ Hake! Siu.-Sep.
“Ko ha pole ʻa hono tauhi hake ʻo ha kiʻi tama, tautefito ʻi he taimi ʻoku aʻu ai ha kiʻi tama ki he tuʻunga talavoú peá ne hokosia ʻa e ngaahi liliu lahi. ʻOkú ke pehē ko fē ʻe lava ke hanga ki ai ʻa e ngaahi mātuʻá ki ha faleʻi alafalalaʻanga? [Tuku ke ne tali. Pea lau ʻa e Aisea 48:17, 18.] ʻOku ʻomai ʻe he makasini ko ení ha ngaahi fokotuʻu taimi tonu ke tokoniʻiʻaki ʻa e ngaahi mātuʻá ke nau ngāue ʻi he poto mo e mahino.”