Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Nōv. 15
“ʻOku fifili ʻa e niʻihi, ‘Koeʻuhi ko e lahi fau ʻa e kākaá ʻi he māmaní, ko e hā ke u kei fāinga ai ke fai ʻa e meʻa ʻoku totonú?’ Kuó ke faʻa ongoʻi pehē? [Tuku ke ne tali.] Fakatokangaʻi angé ʻa e ngaahi lea fakalototoʻa ko ʻení. [Lau ʻa e Palovepi 2:21, 22.] ʻOku fakamatalaʻi ʻe he makasini ko ʻení ʻa e ʻuhinga mahuʻinga taha ke tau faitotonu aí.”
Awake! Nōv.
“ʻOku tukuakiʻi ʻe he niʻihi ʻa e ʻOtuá ki he meʻa kotoa pē ʻoku hokó. ʻI he hoko ha meʻa fakamamahi, ʻoku nau pehē kuo pau pē ʻoku ʻi ai ʻa e ʻuhinga lelei ʻa e ʻOtuá ki hono fakatupunga iá. Ko e hā hoʻo fakakaukaú? [Tuku ke ne tali. Lau leva ʻa e Semisi 1:13.] ʻOku fakahaaʻi ʻe he makasini ko ʻení ʻa e meʻa ʻoku leaʻaki ʻe he Tohi Tapú ʻo fekauʻaki mo e tupuʻanga ʻo e faingataʻá mo e meʻa ʻoku fai ʻe he ʻOtuá ke fakangata ʻaki iá.”
Ko e Taua Leʻo Tīs. 1
“ʻOkú ke pehē ʻoku fakahoko he ʻahó ni ʻa e kikite Fakatohitapu ko ʻení? [Lau ʻa e Mātiu 24:11. Tuku leva ke ne tali.] ʻOku fakamatalaʻi ʻe he makasini ko ʻení ʻa e ngaahi akonaki ʻe niʻihi kuo hoko ʻo manakoa. ʻOku toe fakahaaʻi ai ʻa e founga ʻe lava ke tau hao ai mei he hoko ʻo kākaaʻi ʻe he kau faiako loí.”
Awake! Tīs.
“Ko hai te ke pehē ko e tangata tuʻu-ki-muʻa taha ia kuo moʻui maí? [Tuku ke ne tali.] ʻI he vakai ʻa e tokolahi, ko Sīsū ʻa e tangata tuʻu-ki-muʻa tahá. Fakatokangaʻi ʻa e meʻa te ne fai mai ki he māmaní ʻi hono tuʻunga ko e Tokotaha-Pule ʻo e Puleʻanga ʻo e ʻOtuá. [Fakaʻaliʻali ange ʻa e fakatātā ʻi he peesi 8-9, pea lau ha taha ʻo e ngaahi konga Tohi Tapu ʻoku hā aí.] ʻOku fakamatalaʻi ʻe he makasini ko ʻení ʻa e founga mo e taimi ʻe fakahoko ai ʻeni ʻe Sīsuú.”