Meʻa ke Leaʻaki Fekauʻaki mo e Ngaahi Makasiní
Ko e Taua Leʻo ʻOka.-Tīs.
“ʻOku faingofua ke taʻelavameʻa ʻa e ngaahi palani ʻa e tangatá, ʻo hangē ko ia kotoa kuo tau hokosiá. Kae kehe, ki he ʻOtuá, ko e meʻa ʻokú ne talaʻofá heʻikai ʻaupito taʻefakahoko. [Lau ʻa e Aisea 46:10.] Ko ia ai, he mahuʻinga leva ē ke ʻai ke fehoanaki ʻetau moʻuí mo e taumuʻa ʻa e ʻOtuá. ʻOku fakahaaʻi ʻe he kupu ʻoku kamata ʻi he peesi 11 ʻa e mahuʻinga kia kitautolu ʻa e ʻalunga ko ʻení.”
ʻĀ Hake! ʻOka.-Tīs.
“ʻOku kamata ke ʻosi ʻa e ngaahi koloa ʻo e māmaní ʻi he lahi hono ngāueʻakí. ʻE ʻosi nai ʻetau meʻakaí, vai maʻá, ngaahi naunau langá mo e loló? [Lau ʻa e Sāme 104:14, 15.] Kātaki ʻo lau ʻa e kupu ʻi he peesi 22 ke sio ai ki he anga hono fakapapauʻi ʻe he ʻOtuá ʻe tokonaki ʻa e foʻi palanité maʻá e toʻutangata ʻi he kahaʻú.”
Ko e Taua Leʻo ʻOka.-Tīs.
“ʻOku fakafiefia ʻa e taimi ʻoku tau maʻu ai ha kaati pe telefoni ʻo fakamālō mai kia kitautolu ʻi ha meʻa naʻa tau fai. ʻOkú ke fakamoʻoniʻi ʻoku tātātaha ke fai he ʻahó ni ʻa e fakamālō ko iá? ʻI hono fakamatalaʻi ʻa hotau ʻahó ʻi he 2 Timote 3:1, 2 ʻoku fakahokohoko mai ai ʻa e “taʻehounga,” ko e konga ia ʻo e ngaahi taimi faingataʻá. [Lau] Ko e kupu ʻoku kamata ʻi he peesi 21 ʻoku tokoniʻi ai kitautolu ke tau fakahaaʻi ʻa e houngaʻia lahi ange.
ʻĀ Hake! ʻOka.-Tīs.
Kuo pau ke fekuki ʻa e toʻutupú mo e ngaahi tenge lahi ʻi he māmani ʻo e ʻaho ní. ʻOku ʻikai ko ha meʻa faingofua ia hangē ko ia naʻe fakahaaʻi ʻe he ʻapositolo ko Paulá. [Lau ʻa e Loma 7:21.] ʻOku ʻomai ʻe he kupu ʻoku kamata ʻi he peesi 28 ʻa e ngaahi fokotuʻu ke tokoniʻi ai ʻa e ngaahi mātuʻá mo e toʻutupú ke nau fekuki mo e ngaahi tenge ko ʻení.”