Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Nōv. 15
“ʻOku fifili ʻa e kakai tokolahi pe ko e hā koā ʻoku hā ngali ʻalu ai ke toe kovi ange ʻa e ngaahi palopalema ʻokú ne fakamamahiʻi ʻa e faʻahinga ʻo e tangatá, kae ʻikai ki he lelei angé. Kuó ke fakakaukau nai ʻi ha taimi ki he meʻa ʻoku leaʻaki ʻe he veesi ko ʻení ko ha ʻuhinga nai ia ʻe taha? [Lau ʻa e Fakahā 12:9. Tuku leva ke ne tali.] ʻOku lāulea ʻa e makasini ko ʻení ki he ngaahi faʻufaʻu ʻa e Tēvoló ki hono takihalaʻi ʻa e kakaí pea mo e founga ʻe lava ke tau talitekeʻi ai ʻa ʻene tākiekiná.”
Awake! Nōv. 22
“Neongo ʻoku tokonaki mai ʻa e meʻakai feʻunga ke fafangaʻiʻaki ʻa e tokotaha kotoa pē ʻi he foʻi māmaní, ko e kakai nai ʻe toko 800 miliona ʻoku siʻi ʻa e meʻakai ʻoku nau maʻú. ʻIkai ko ha meʻa fakamamahi ia? [Tuku ke ne tali.] ʻOku sivisiviʻi ʻe he makasini ko ʻení ʻa e fakautuutu ʻo e pole ko ia ʻo hono fafangaʻi ʻa e ngaahi kolo lalahí. ʻOku toe lāulea foki ai ki he talaʻofa ʻa e Tohi Tapú ʻo fekauʻaki mo ha māmani ʻa ia ʻe ʻikai ʻi ai ʻa e fiekaiá.” Lau ʻa e Sāme 72:16a.
Ko e Taua Leʻo Tīs. 1
“ʻI he taimi ʻoku fanongo ai ʻa e kakaí ki he foʻi lea ‘ʻĀmaketoné,’ ʻoku sioloto atu ʻa e tokolahi ia ki ha fakaʻauha lahi fakalilifu. [Fakahaaʻi ange ʻa e puha ʻi he peesi 3.] Te ne fakaʻohovaleʻi nai koe ke ke ʻiloʻi ko hono moʻoní ko ʻĀmaketoné ko e taha ia ʻo e ngaahi meʻa lelei taha ʻe lava ʻo hoko mai kiate kitautolú? [Tuku ke ne tali.] ʻOku fakamatalaʻi ʻe he makasini ko ʻení ʻa e ʻuhinga ki aí.” Lau ʻa e 2 Pita 3:13.
Awake! Tīs. 8
“Naʻá ku ʻamanaki ke talanoa atu kiate koe ʻo fekauʻaki mo ha taimi ʻa ia ʻe maʻu ai ʻe he tokotaha kotoa pē ha feituʻu feʻungamālie ke nofo ai. ʻIkai ʻoku fakamamahi ʻa e ʻikai ʻi ai ha ʻapi ʻa e kakai tokolahí? [Tuku ke ne tali. Lau leva ʻa e Aisea 65:21,22.] ʻOku sivisiviʻi ʻe he makasini ko ʻení ʻa e ngaahi tupuʻanga ʻo e ʻikai maʻu ha ʻapí. ʻOku toe fakamatala foki ai ki he founga ʻe fakahoko ai ʻe he ʻOtuá ʻa e talaʻofa ko ia naʻá ta toki ʻosi laú.”