Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Nōv. 15
“ʻI he kuohilí, naʻe tui ai ʻa e tokolahi ʻe faifai pē pea hoko ʻa e foʻi māmaní ko ha palataisi. ʻI he ʻahó ni, ʻoku fifili ai ʻa e niʻihi pe ʻe tolonga atu nai ia. Ko e hā hoʻo fakakaukau ki he kahaʻu ʻo e foʻi māmaní? [Tuku ke ne tali.] Fakatokangaʻi ange ʻa e lau ʻa e Tohitapú fekauʻaki mo e meʻá ni. [Lau ʻa e Sāme 37:11.] ʻOku lāulea lahi ange ʻa e makasini ko ení ki he meʻa ʻoku tomuʻa tala ʻe he Tohitapú fekauʻaki mo e foʻi māmaní.”
Awake! Nōv. 22
“ʻOku hohaʻa ʻa e kakai ʻe niʻihi naʻa ʻikai toe lava ke fakaleleiʻi ʻa e maumau kuo ʻosi fai ki he ʻātakaí. ʻOkú ke fakakaukau ʻoku siva e ʻamanakí ki he tuʻungá ni? [Tuku ke ne tali.] Naʻe ʻikai fakataumuʻa ʻa e Tokotaha-Fakatupú ki he foʻi māmaní ke hoko ko ha tuʻunga veve ʻikai nofoʻi. [Lau ʻa e Aisea 45:18.] ʻOku fakamatala ʻa e makasini ko ení ki he founga ʻe fakahaofi ai ʻa e foʻi māmaní.”
Ko e Taua Leʻo Tīs. 1
“Ko e kakai ʻe niʻihi he ʻahó ni ʻoku mole ʻenau tui ki he ʻOtuá. Ko e ʻuhinga ʻe taha ki he meʻá ni ko e ʻikai lava ke nau maʻu ha tali fakafiemālie ki he ngaahi fehuʻi fakahohaʻa hangē ko ení. [ʻOange ha fakatātā mei he puha he peesi 6.] Ko e ʻīsiu ko eni ʻo e Taua Leʻo ʻoku lāulea ai ki he tafaʻaki mahuʻinga ʻe taha ke langa hake ai ʻa e tui moʻoni ki he ʻOtuá.” Lau ʻa e Filipai 1:9.
Awake! Tīs. 8
“ʻOkú ke fakakaukau ʻe faifai ange pea maʻu ʻe he faʻahinga ʻo e tangatá ʻa e ngaahi tuʻunga hangē ko ia ʻoku fakamatalaʻi ʻi hení? [Lau ʻa e Aisea 14:7. Pea tuku ke ne tali.] ʻOku ʻi he makasini ko ení ʻa e fakamatala ʻaonga ʻa ia ʻe lava ke tau maʻu ʻaonga mei ai lolotonga ʻetau tatali ki hono fakahoko ʻo e ngaahi talaʻofa ʻa e ʻOtuá.” Fakaeʻa ʻa e kupu “ʻE Lava Fēfē Ke Ke Talitekeʻi ʻa e Ngaahi Holi Fehālaakí?”