Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Siulai-Sepitema
“Ko e tokolahi taha ʻo kitautolú ʻoku ʻi ai pē ʻetau lotu. ʻOkú ke fakakaukau ʻoku mahuʻinga ki he ʻOtuá ʻa e founga ʻo ʻetau fili ke lotu ai kiate iá? [Tuku ke ne tali. Pea lau ʻa e Mātiu 15:9.] ʻOku lāulea ʻa e kupu ko ení ki he tafaʻaki ʻe fā ʻo e lotu moʻoní hangē ko ianaʻe fakapapauʻi ʻe Sīsuú.” Fakaʻaliʻali ʻa e kupu ʻoku kamata ʻi he peesi 24.
ʻĀ Hake! Siulai-Sepitema
“ʻOku faʻa ʻeke totongi ʻa e ngaahi siasí ki hono fai ʻo e papitaisó, malí mo e putú. ʻOkú ke pehē ʻoku totonu eni? [Tuku ke ne tali.] Vakai angé ki he ngaahi fakahinohino ko eni naʻe ʻoange ʻe Sīsū ki heʻene kau ākongá. [Lau ʻa e Mātiu 10:7, 8e.] ʻOku fakahaaʻi ʻi he kupu ko ení ʻa e meʻa ʻoku leaʻaki ʻe he Tohi Tapú fekauʻaki mo e totongi ʻo e ngaahi ouau fakalotú.” Fakaʻaliʻali ʻa e kupu ʻoku kamata ʻi he peesi 24.
Ko e Taua Leʻo Siulai-Sepitema
“Kuo mole meia kitautolu kotoa ʻa e faʻahinga ʻofeina ʻi he maté. ʻOku fakanatula pē ke tau fakaʻamu ke sio ki he faʻahinga ko iá. ʻOku nau ʻi fē nai? ʻE lava ʻe he maté ke fakatupu ha maumau pe tokoniʻi kitautolu? ʻOku ʻomai ʻe he Tohi Tapú ʻa e tali ki he ongo fehuʻi ko ení. [Lau ʻa e Koheleti 9:5, 6] Ko e kupu ko ení, kamata ʻi he peesi 19, ʻoku ʻomai ai ʻa e fakamatala ʻaonga lahi ange.
ʻĀ Hake! Siulai-Sepitema
“ʻOkú ke fakakaukau kuo vavé ni ke toe lelei ange ʻa e tuʻunga fakaʻekonōmika ko ení? [Tuku ke ne tali.] ʻOku ʻikai lāuʻilo ʻa e tokolahi ki he founga ʻe lava ke tokoniʻi ai kitautolu ʻe he Tohi Tapú lolotonga ʻa e ngaahi taimi faingataʻa peheé. [Lau ha konga Tohi Tapu ʻoku ʻi he kupú.] Ko e kupu ko ení ʻoku fakahaaʻi ai ʻa e founga ʻe lava ke tokoniʻi ai kitautolu ʻe he Tohi Tapú ke tau fekuki mo ia lolotonga ʻa e tuʻunga fakaʻekonōmika taʻepau ko ení.” Fakaʻaliʻali ʻa e kupu ʻoku kamata ʻi he peesi 20.