Founga Lelei ke Fiefia Ai ʻi he Ngaahi Hiva ʻo e Puleʻangá
Ko e kau sevāniti ʻa e ʻOtuá ʻoku nau fakakaukau ki he fasí ko ha meʻaʻofa fakaʻofoʻofa ia meia Sihova. (Sēm. 1:17) ʻOku fiefia ʻa e ngaahi fakatahaʻanga lahi ʻi hono tā leʻo-siʻi ʻa e ngaahi hiva ʻo e Puleʻangá ki muʻa pea ʻi he hili e ngaahi fakataha ʻenau fakatahaʻangá. Ko hono tā ʻa e fasi fakateokalatí ko ha founga fakafiemālie ia ke talitali lelei ʻaki kitautolu ki he ngaahi fakatahá. ʻOku tokoniʻi ai kitautolu ke mateuteu ai hotau ʻatamaí ki he lotú. ʻIkai ko ia pē, ko hono tā ʻa e ngaahi fasi foʻou ange mei heʻetau tohi hivá ʻoku tau maheni ai mo e ngaahi fasí pea tokoniʻi kitautolu ke tau hivaʻi lelei e ngaahi hivá. Ko e fasi ko ia ʻoku tā hili ʻa e fakatahá ʻokú ne tauhi maʻu ha ʻatimosifia fakafiefia ke maʻu ai ha feohi fakalototoʻa. Ko ia ai, ko e kulupu ʻo e kau mātuʻá ʻoku totonu ke nau fai ha ngaahi fokotuʻutuʻu feʻungamālie ke tā a e fasí mei he Sing to Jehovah—Piano Accompaniment ki muʻa pea ʻi he hili ʻa e fakatahá. ʻOku totonu ke nau fakapapauʻi ʻoku fakaʻatuʻi ʻa e leʻo-lahí pea ʻikai faingataʻa ke ongoʻi ai ʻa e fetalanoaʻakí.