ʻUhinga ʻe Hongofulu Mā Ua ki he Malangá

Ko e hā ʻoku tau malanga ai pea akoʻi ʻa e ongoongo leleí? ʻOku ʻuhinga tefitó ke tokoniʻi ʻa e kakai loto-totonú ʻi he hala ki he moʻuí? (Māt. 7:14) Ko e ʻuluaki ʻuhinga ia ʻoku fakahokohoko ʻi laló, ka ʻoku ʻikai ko ʻetau ʻuhinga tefitó ia. Ko e fē ʻi he ʻuhinga ʻe 12 ko eni ki he kau ʻi he ngāue fakafaifekaú ʻokú ke fakakaukau ko e mahuʻinga tahá ia?

1. ʻOku tokoni ia ki he fakahaofi moʻuí.—Sione 17:3.

2. ʻOku hoko ia ko e fakatokanga ki he angahalá.—ʻIsi. 3:18, 19.

3. ʻOku tokoni ia ki hono fakahoko e kikite ʻa e Tohi Tapú.—Māt. 24:14.

4. Ko ha fakahāhā ia ʻo e māʻoniʻoni ʻa e ʻOtuá. ʻOku ʻikai lava ke tukuakiʻi ʻa Sihova ʻi heʻene fakaʻauha ʻa e fulikivanú ʻo ʻikai ʻoange kia kinautolu ʻa e faingamālie ke fakatomala.—Ngā. 17:30, 31; 1 Tīm. 2:3, 4.

5. ʻOku fakaʻatā ai kitautolu ke totongi hotau moʻua ke ʻoatu ʻa e tokoni fakalaumālie ki he kakai kuo fakatau mai ʻaki ʻa e taʻataʻa ʻo Sīsuú.—Loma 1:14, 15.

6. ʻOku fakamafeia ai kitautolu ke fakaʻehiʻehi mei he halaia ʻi he totó.—Ngā. 20:26, 27.

7. Ko ha fiemaʻu ia ki hotau fakamoʻuí tonu.—ʻIsi. 3:19; Loma 10:9, 10.

8. ʻOku fakahāhā ai ʻa e ʻofa ki he kaungāʻapí.—Māt. 22:39.

9. ʻOku fakahaaʻi ai ʻa e talangofua kia Sihova mo hono ʻAló.—Māt. 28:19, 20.

10. Ko e konga ia ʻetau lotú.—Hep. 13:15.

11. ʻOku fakahaaʻi ai ʻetau ʻofa ki he ʻOtuá.—1 Sio. 5:3.

12. ʻOku tokoni ia ki hono fakamāʻoniʻoniʻi ʻa e huafa ʻo Sihová.—ʻAi. 43:10-12; Māt. 6:9.

Ko e moʻoní, ʻoku ʻikai ko e ngaahi ʻuhinga pē eni ʻoku tau kau ai ʻi he ngāue fakafaifekaú. Ko e fakatātaá, ʻoku fakaivimālohiʻi ʻe he malangá ʻetau tuí pea toe ʻomai ai kia kitautolu ʻa e monū ke hoko ko e ngaahi kaungāngāue ʻo e ʻOtuá. (1 Kol. 3:9) Kae kehe, ko e ʻuhinga mahuʻinga taha ki he kau he ngāue fakafaifekaú ko e fika 12. Tatau ai pē pe ko e hā ʻa e tali ʻoku tau maʻú, ʻoku tokoni ʻa e ngāue fakafaifekaú ki hono fakamāʻoniʻoniʻi ʻa e huafa ʻo e ʻOtuá pea ʻoatu ai ʻa e tali ʻa Sihova ki he tokotaha ʻoku manuki kiate iá. (Pal. 27:11, PM) Ko e moʻoni, ʻoku tau maʻu ʻa e ngaahi ʻuhinga mālohi ke “hokohoko atu ʻo ʻikai tuku ʻa e faiako mo hono talaki ʻa e ongoongo lelei.”—Ngā. 5:42.