Young People Ask—What Will I Do With My Life? (Part 2)
ʻI he meʻa ke fili mei aí ʻo e foʻi vitiō Young People Ask—What Will I Do With My Life? Lomiʻi ʻa e Interviews, lomiʻi leva ʻa e Sections. Hili ʻa e vakai ki he konga taki taha ʻe tolú, ngāueʻaki ʻa e ngaahi fehuʻi ʻi he palakalafi 2 ko ha fakamanatu. Pea mei he meʻa ke fili mei aí lomiʻi leva ʻa e Supplementary Material pea hili e vakai ki he konga taki taha ʻe nima ʻo e fakaʻekeʻeke fakalahí, ngāueʻaki ʻa e ngaahi fehuʻi ʻi he palakalafi 3 ko ha fakamanatu.
Ngaahi Konga—Līʻoa ki he Ngaahi Ngāue Muná pe ki he ʻOtuá: (1) Ko e hā ʻa e ngaahi taumuʻa ʻoku tenge ʻa e toʻutupú ke nau tuli ki aí? (2) ʻE lava fēfē ke tokoni ʻa e 1 Sione 2:17 ki he toʻutupú fekauʻaki mo e lahi ʻo e ako fakamāmani ke tuli ki aí? (3) Ko e hā ʻoku ʻikai totonu ai ke tau tuku ʻa e ilifiá ke ne taʻofi kitautolu mei he papitaisó? (4) Ko e hā ʻa e ngaahi meʻa ʻe niʻihi te ne tokoniʻi kitautolu ke tau taau ai ki he papitaisó? Ako ke Fiefia ʻi Hoʻo Ngāue Fakafaifekaú: (5) Ko e hā ʻoku ʻikai ke fiefia ai ʻa e niʻihi ʻi he ngāue fakafaifekaú? (6) Ko e hā ʻa e ngaahi meʻa ʻe niʻihi ʻe lava ke ne tokoniʻi kitautolú? (7) Ko e hā ʻoku ilifia lahi ki ai ʻa e niʻihi ʻi he lea ki ha sola, pea ko e hā hono ʻuhingá? (8) ʻE lava fēfē ke tau ikuʻi ʻetau ngaahi ilifiá pea fakatupulekina ha loto-toʻa ke leá? (9) Ko e hā ʻoku toe mahuʻinga ai ke fakatupulekina ha pōtoʻi ʻi he ngāue fakafaifekaú? Ko ha Matapā Kuo Fakaava ki he Ngāué: (10) ʻOku anga-fēfē hono tuʻuaki mai ʻe he tāimuʻá ʻa e ngaahi faingamālie lahi ki he fakalakalaka fakalaumālié? (Fil. 3:16) (11) Ko e hā ʻoku toumoua ai ʻa e niʻihi ke fou atu ʻi he matapā ko eni ʻo e ngāué? (12) Ko e hā ʻa e ngaahi tefitoʻi moʻoni Fakatohitapu ʻe lava ke ne tokoniʻi kitautolu ke ikuʻi ʻa e ngaahi hohaʻa fakaʻekonōmika? (13) Ko e hā kuo fai ʻe he niʻihi ke poupouʻi fakaepaʻanga kinautolu lolotonga ʻenau tāimuʻá? (14) Ko e hā ʻe lava ke faí kapau ʻoku ʻikai fakaʻatā ʻe he ngaahi tuʻungá ha taha ke kau ʻi he ngāue taimi-kakató?
Fakamatala fakalahi—Mahuʻinga ʻo e Ako Fakafoʻituituí: (15) Ko e hā ʻoku mahuʻinga ai ha founga tuʻumaʻu ʻo e ako fakafoʻituituí? Founga Faifakamoʻoni Kehé (ʻoku ui he taimí ni ko e faifakamoʻoni ki he kakaí): (16) ʻE anga-fēfē hono ʻai ke toe lahi ange ʻetau fiefiá ʻi he kau ki he ngaahi founga kehekehe ʻo e ngāue fakafaifekaú? Ngāue Pēteli: (17) Ko e hā ʻa e ngaahi meʻa fakafiefia ʻe niʻihi ʻo e ngāue Pētelí? Akoʻanga Ako Fakafaifekau: (18) Kuo anga-fēfē maʻu ʻaonga ʻa e faʻahinga naʻe kau ki he ako ko ení (ʻoku ui he taimí ni ko e Ako Fakatohitapu Maʻá e Fanga Tokoua Taʻemalí)? Akoʻanga Fakamisinale ko Kiliatí: (19) Naʻe anga-fēfē ʻa e mateuteu ʻa Pita mo Fiona ki he ngāue fakamisinalé pea naʻe anga-fēfē ʻena maʻu ʻaonga mei Kiliatí?