Fakaleleiʻi ʻEtau Pōtoʻi ʻi he Ngāue Fakafaifekaú​—Kamataʻi ha Fetalanoaʻaki ke Lava Ai ha Faifakamoʻoni ʻi he Founga ʻIkai Anga-Maheni

ʻUhinga ʻOku Mahuʻinga Aí: ʻI he kau atu ki he ngāue fakafaifekau fale ki he falé, ʻoku tau faʻa ʻiloʻi ai ko e kakai tokolahi ʻoku ʻikai ke nau faʻa ʻi ʻapi. Kae kehe, ʻoku tau fetuʻutaki nai mo kinautolu ʻi he ngaahi meʻalele uta pāsesé, talitali ʻi he kilīniki ʻo ha toketā, ko e taimi mālōlō ʻa e ngāué pe akó, mo e ngaahi alā meʻa pehē. Ko e finangalo ia ʻo Sihová ke maʻu ʻe he faʻahinga kotoa pē ʻa e faingamālie ke fanongo ki he pōpoaki ʻo e Puleʻangá. (1 Tīm. 2:3, 4) ʻOku faʻa malava ke tau faifakamoʻoni ka kuo pau ke tau tamuʻomuʻa ʻi hono kamataʻi ʻa e fetalanoaʻakí.