Founga ke Fai ha Tali Fakalototoʻa

Ko e ngaahi tali fakalototoʻá ʻoku langa hake ai ʻa e fakatahaʻangá. (Loma 14:19) ʻOku nau toe maʻu ʻaonga mei he faʻahinga ʻoku nau fai iá. (Pal. 15:23, 28) Ko ia ai, ʻoku totonu ke tau feinga ke fai ha tali naʻa mo ha foʻi tali ʻe taha ʻi he fakataha taki taha. Ko e moʻoni, heʻikai ke tau tali maʻu pē ʻi he taimi kotoa pē ʻoku hiki ai hotau nimá. Ko ia ai, ko e lelei tahá ke teuteu ke lahi ʻetau talí.

Ko ha tali fakalototoʻa . . .

• faingofua, mahino mo nounou. ʻI he tuʻunga anga-mahení, ʻoku lava ke fai ia ʻi ha sekoni ʻe 30 pe siʻi ai

• ʻoku lelei tahá ke fai ia ʻi he lea pē ʻaʻau

• ʻoku ʻikai toe ʻohake ha poini tatau

Kapau ko koe ʻoku ʻuluaki talí, . . .

• fai ha tali faingofua mo hangatonu ki he fehuʻí

Kapau kuo tali ʻa e fehuʻí, ʻe lava ke ke . . .

• fakahaaʻi ʻa e kaunga ʻo ha konga Tohi Tapu ki he poini ʻoku fai ki ai e lāuleá

• lave ki he anga ʻene kaunga ki heʻetau moʻuí

• fakamatala ki he founga ʻe lava ke ngāueʻaki ai ʻa e fakamatalá

• lave nounou ki ha hokosia ʻoku fakahaaʻi ai ʻa e poini tefitó