MOʻUI KO HA KALISITIANE
“ʻE Sihova . . . Kuo U Falala ki he ʻAfiona”
ʻOku mahuʻinga ke tau falala kia Sihova ʻo fakatouʻosi ʻi he ngaahi taimi lelei mo e taimi kovi. (Saame 25:1, 2) ʻI he senituli hono valu K.M., ko e kau Siu ʻi Siuteá naʻa nau fehangahangai mo ha faingataʻa lahi naʻe ʻahiʻahiʻi ai ʻenau falala ki he ʻOtuá. Ko e meʻa naʻe hokó ʻokú ne ʻomai ha ngaahi lēsoni kia kitautolu. (Loma 15:4) Hili e sio ʻi he vitiō “ʻE Sihova . . . Kuo U Falala ki he ʻAfiona,” ʻe fēfē haʻo tali ki he ngaahi fehuʻi ko ení?
Ko e hā ʻa e faingataʻa lahi naʻe fehangahangai mo Hesekaiá?
Naʻe anga-fēfē ngāueʻaki ʻe Hesekaia ʻa e tefitoʻi moʻoni ʻi he Palōveepi 22:3 ʻi he tomuʻa fakakaukauʻi ʻo e ʻākoloʻí?
Ko e hā naʻe ʻikai fakakaukau ai ʻa Hesekaia ke tukulolo ki ʻAsīlia pe talite mo ʻIsipite?
ʻOku anga-fēfē hoko ʻa Hesekaia ko ha faʻifaʻitakiʻanga lelei ki he kau Kalisitiané?
Ko e hā ʻa e ngaahi tuʻunga ʻi he ʻahó ni ʻokú ne ʻahiʻahiʻi ʻetau falala kia Sihová?