Fakaleleiʻi ʻEtau Pōtoʻi ʻi he Ngāue Fakafaifekaú—Fai ha Toe ʻAʻahi

ʻUHINGA ʻOKU MAHUʻINGA AÍ: Ko e kakai tokolahi ʻoku nau mahuʻingaʻia ʻi he pōpoaki ʻo e Puleʻangá ʻoku nau fekumi ki he moʻoni fekauʻaki mo e ʻOtuá. (ʻAi. 55:6) Ke tau lava ʻo akoʻi fakalakalaka kinautolu, kuo pau ke tau toutou toe foki ki ai. ʻOku fehangahangai ʻa e kakaí mo e ngaahi pole, ko ia ko e founga ʻo ʻetau fakatupulekina ʻenau mahuʻingaʻiá ʻe kehekehe. Kae kehe, te tau ola lelei ange kapau te tau teuteu lelei pea fokotuʻu ha taumuʻa ʻi he ʻaʻahi taki taha, fakataha mo e taumuʻa fakalūkufua ko hono kamata ha ako Tohi Tapu.

FOUNGA HONO FAI IÁ:

• Feinga ke foki he vave tahá, ʻi loto ʻi ha ngaahi ʻaho siʻi pē.—Māt. 13:19

• ʻAi ke anga-fakakaumeʻa mo anga-fakaʻapaʻapa. Feinga ke hā fakafiemālie

• Kamata ʻaki ha fakalea loto-māfana. Ngāueʻaki ʻa e hingoa ʻo e tokotahá. Fakamanatu kiate ia ʻa e ʻuhinga ʻokú ke toe foki atu aí—mahalo ke tali ha fehuʻi, ʻoatu ʻa e makasini fakamuimui tahá, fakaʻaliʻali ʻetau uepisaití, huluʻi ha vitiō, pe fakahāhaaʻi ha ako Tohi Tapu. Feʻunuʻaki hoʻo fakamatalá kapau ʻokú ne fakahaaʻi ha mahuʻingaʻia ʻi ha tuʻunga-lea kehe.—Fil. 2:4

• Fuʻifuʻi ʻa e tenga ʻo e moʻoní naʻe tō ʻi hono lotó ʻaki hono vahevahe atu ha fakakaukau Fakatohitapu pea ʻi hono tuku nai ai ha tohi. (1 Kol. 3:6) Feinga ke fokotuʻu ha vahaʻangatae lelei mo ia

• Fakatoka ha makatuʻunga ki he ʻaʻahi hono hokó