Tuli ki he Ako Fakaʻotuá

ʻUHINGA ʻOKU MAHUʻINGA AÍ: Ko e Faiako Maʻongoʻongá ʻa Sihova, ʻokú ne ʻomai ʻa e ako lelei tahá. ʻOkú ne akoʻi mai ʻa e founga ke fakaleleiʻi ai ʻetau moʻuí pea teuʻi kitautolu ki ha kahaʻu fakaofo—ko ha ako ʻoku taʻetotongi. (ʻAi. 11:6-9; 30:20, 21; Fkh. 22:17) Fakafou ʻi he ako fakaʻotuá, ʻoku toe teuʻi kitautolu ʻe Sihova ke vahevahe atu ki he niʻihi kehé ha pōpoaki fakahaofi moʻui.—2 Kol. 3:5.

FOUNGA HONO FAI IÁ:

• Fakatupulekina ʻa e anga-fakatōkilaló mo e anga-vaivaí.—Saame 25:8, 9

• Tali ʻa e ako ʻoku tokonaki mai ʻe Sihova he taimi ní, hangē ko e ngaahi konga ʻoku vaheʻi atu ʻi he fakataha lolotonga ʻo e uiké

• Fokotuʻu haʻo ngaahi taumuʻa fakalaumālie.—Fil. 3:13

• Fai ha ngaahi feilaulau ke taau ai ki ha toe fakalahi atu ʻa e akoʻí.—Fil. 3:8

SIO ʻI HE VITIŌ KOLOAʻIA FAKALAUMĀLIE ʻI HONO AKOʻI ʻE SIHOVÁ, PEA TALI LEVA ʻA E NGAAHI FEHUʻI KO ENÍ:

• Ko e hā ʻa e ngaahi faingataʻa naʻe ikuʻi ʻe ha kau malanga ʻe niʻihi kae malava ke nau kau ki he Ako Maʻá e Kau ʻEvangeliō ʻo e Puleʻangá?

• Ko e hā naʻe akoʻi ʻe he Ako Maʻá e Kau ʻEvangeliō ʻo e Puleʻangá?

• Ko e hā ʻa e tokoni naʻe fai ʻe he ngaahi mēmipa ʻo e fakatahaʻangá ki he faʻahinga naʻa nau toki ʻosi mai mei he akó ki heʻenau vāhenga-ngāue foʻoú?

• Ko e hā ʻa e ngaahi fiemaʻu pau kae taau ke kau ki he Ako Maʻá e Kau ʻEvangeliō ʻo e Puleʻangá? (kr 189)

• Ko e hā ha ngaahi ako kehe ʻe lava ke ke feinga ki ai ʻi he kautaha ʻa Sihová?