Ngaahi Ngāue Leleí ʻOku ʻIkai Fakangaloʻi

Ko e kotoa ʻo e kakai ʻa Sihová ʻoku lava ke nau fokotuʻu ha lēkooti ʻo e ngāue leleí ʻi heʻenau ngāue toputapu ki hotau ʻOtuá. ʻI he hangē ko ha mātuʻa ʻofa ʻokú ne koloaʻaki ʻa e lavameʻa ʻa ʻene fānaú, heʻikai fakangaloʻi ʻe Sihova ʻa e ngāue pea mo e ʻofa kuo tau fakahaaʻi ki hono huafá. (Māt. 6:20; Hep. 6:10) Ko e moʻoni, ʻoku kehekehe ʻa e ngaahi malavá mo e tuʻungá. Neongo ia, kapau te tau fai hotau lelei tahá ʻi heʻetau ngāue kia Sihová, te tau fiefia. (Kal. 6:4; Kol. 3:23) ʻI ha laui taʻu, ʻoku laui afe ai ha fanga tokoua mo e fanga tuofāfine kuo nau ngāue ʻi Pēteli. Te ke malava ke ke pole ki he ngāue Pētelí? Kapau ʻoku ʻikai, ʻe lava ke ke fakalototoʻaʻi ha tokotaha ke fai pehē, pe tokoni ki ha taha ʻi he fāmili Pētelí ke hokohoko atu ʻa e ngāue ʻi he founga makehe ko iá?

SIO HE VITIŌ FAKAFAINGAMĀLIEʻI KOE KI HE NGĀUE PĒTELÍ, PEA TALI LEVA ʻA E NGAAHI FEHUʻI KO ENÍ:

• Ko e hā ʻa e fakaueʻiloto ki he ngāue ʻi Pētelí?

• Ko e hā ʻoku leaʻaki ʻe ha niʻihi ki he ngaahi tāpuaki ʻo e ngāue ʻi Pētelí?

• Ko e hā ʻa e ngaahi fiemaʻu pau ki he ngāue Pētelí?

• ʻE lava fēfē ke ke tohi kole ki he ngāue Pētelí?