Ko e Hā ʻe Lava Ke Ke Ako mei he ʻEtau Hivá?

Ko e hā ʻa e ngaahi hiva ʻi he ʻetau hivá ʻoku fakamānako kiate koé? Ko e hā hono ʻuhingá? ʻOkú ke pehē ʻoku fakahaaʻi mai ʻe he vitioó ʻa e ngaahi meʻa ʻoku hoko ʻi he moʻui fakaʻahó? Ko e ngaahi kaveinga mo e fasi kehekehé ʻe maʻu ʻaonga mei ai ʻa e taha kotoa. Kae kehe, ko ʻetau hivá mo e vitiō tā fasí ʻoku ʻikai fakafiefia pē ka ʻoku toe ʻaonga.

ʻOku akoʻi mai ʻe he ʻetau hivá ʻa e ngaahi lēsoni mahuʻinga ʻe lava ke tau ngāueʻaki ia ʻi heʻetau moʻui faka-Kalisitiané mo e ngāue fakafaifekaú. Ko e hiva ʻe niʻihi ʻoku nau fakahangataha ki he anga-talitali kakai, fāʻūtaha, kaumeʻa, loto-toʻa, ʻofa pe tui. Ko e hiva ʻe niʻihi ʻoku fekauʻaki mo e foki kia Sihová, fakahaaʻi ʻa e fakamolemolé, tauhi maʻu pē ʻa e anga-tonú pea tuli ki he ngaahi taumuʻa fakalaumālié. ʻOku ʻi ai foki mo e ʻetau hiva fekauʻaki mo e mafamafatatau hono ngāueʻaki ʻo e telefoni toʻotoʻó. Ko e hā ha toe lēsoni mahuʻinga kuó ke maʻu mei he ʻetau hivá?

SIO ʻI HE VITIŌ ʻETAU HIVA KUO VAVÉ NI MAÍ, PEA TALI LEVA ʻA E NGAAHI FEHUʻI KO ENÍ:

• Ko e hā ʻa e tāpuaki ʻi he kahaʻú ʻoku fakakaukau ki ai ʻa e ongo mātuʻa taʻumotuʻá?—Sēn. 12:3

• ʻOku anga-fēfē ʻa e fakaivimālohiʻi ʻetau tui ki he malava ʻa Sihova ʻo fakahoko ʻene ngaahi talaʻofá?

• Ko e hā ʻa e fakatahataha fakafiefia kuo vavé ni maí?

• ʻOku anga-fēfē hono tokoniʻi kitautolu ʻe he ʻamanaki ʻo e Puleʻangá ke tau kātekina ʻa e ngaahi ʻahiʻahí?—Loma 8:25