Fakaleleiʻi ʻEtau Pōtoʻi ʻi he Ngāue Fakafaifekaú​—Faifakamoʻoni ki he Kau Kuí

ʻUHINGA ʻOKU MAHUʻINGA AÍ: Ko e tokolahi ʻo e kau kuí ʻoku ʻikai ke nau ongoʻi fiemālie ke talanoa ki ha sola. Ko ia ai, ʻoku fiemaʻu ʻa e pōtoʻi ke faifakamoʻoni kiate kinautolu. ʻOku fakahaaʻi ʻe Sihova ʻa e tokanga anga-ʻofa ki he kau kuí. (Liv. 19:14) ʻOku lava ke tau faʻifaʻitaki kiate ia ʻaki ʻa e tamuʻomuʻa ʻi hono tokoniʻi fakalaumālie ʻa e kau kuí.

FOUNGA HONO FAI IÁ:

• “Kumi” ki he kau kuí. (Māt. 10:11) ʻOkú ke ʻilo ha taha ʻoku ʻi ai hano fāmili ʻoku kui? ʻOku ʻi ai ha ʻapiako ʻi ho feituʻú pe ʻapi ʻoku tokangaʻi ai e kau kuí pe ha feituʻu kehe te nau saiʻia ke maʻu ʻa e ʻū tohi ki he kau kuí?

• Fakahaaʻi ʻa e mahuʻingaʻia fakafoʻituitui. Ko hoʻo anga-fakakaumeʻa mo e mahuʻingaʻia loto-moʻoní ʻe tokoni ia ki he tokotaha kuí ke ne fiemālie. Feinga ke kamataʻi ha fetalanoaʻaki ʻi ha kaveinga fakalotofonua ʻoku mahuʻingaʻia ai ʻa e kakaí

• Tokonaki ha tokoni fakalaumālie. Ke tokoni ki he faʻahinga ʻoku kui pe ʻikai lelei ʻenau sió, ko e kautahá kuo nau faʻu ha ʻū tohi ʻi he ngaahi fōmeti kehe. ʻEke ki he tokotahá ʻa e founga ʻokú ne saiʻia ke ako aí. Ko e ʻovasia ngāué ʻoku totonu ke ne fakapapauʻi ko e sevāniti tohí te ne fakafonu ha kole ki ha tohi ʻo fakatatau ki he fiemaʻu ʻa e tokotaha kuí