ʻOkú Ke Mateuteu?

Kapau ʻe tō ha fakatamaki fakanatula ʻi ho feituʻú, ʻokú ke mateuteu? Ko e ngaahi mofuiké, afaá, vela ʻa e vaotaá, tāfea mo e peau kulá ʻe lava ke hoko fakafokifā pea toe fakatupu maumau lahi foki. Tānaki atu ki aí, ko e ʻohofi fakaetautoitoí, maveuveú mo e mahaki fakaʻauhá ʻe lava ke hoko fakatuʻupakē ʻi ha feituʻu pē. (Tml. 9:11) ʻOku ʻikai totonu ke tau pehē heʻikai hoko ʻa e ngaahi meʻa ko ení ʻi he feituʻu ʻoku tau nofo aí.

Ko kitautolu kotoa kuo pau ke tau fai ha ngāue pau ke mateuteu ki ha fakatamaki. (Pal. 22:3) Neongo ʻe tokoni mai pē ʻa e kautaha ʻa Sihová ʻi he hoko ha fakatamaki, ʻoku kei ʻi ai pē hotau fatongia fakafoʻituitui ke tau mateuteu.—Kal. 6:5, fkm. ʻi lalo.

SIO ʻI HE VITIŌ ʻOKÚ KE MATEUTEU KI HA FAKATAMAKI FAKANATULA? PEA TALI LEVA ʻA E NGAAHI FEHUʻI KO ENÍ:

• 

  ʻE lava fēfē ke tokoni hotau vahaʻangatae vāofi mo Sihová ʻi he hoko ha fakatamaki?

• 

  Ko e hā ʻoku mahuʻinga ai ke . . .

  • • fetuʻutaki maʻu pē mo e kau mātuʻá ki muʻa, lolotonga mo e hili ʻa e fakatamakí?

  • • teuteu ha kato naunau tokoni fakavavevavé?—g10/07 7

  • • lāulea ki he faʻahinga fakatamaki ʻe hoko nai pea mo e meʻa te ke faí?

• 

  Ko e hā ʻa e founga ʻe tolu ʻe lava ke tau tokoni ai ki he niʻihi kehé ʻi he hoko ha fakatamaki kia kinautolu?