Nofoʻaki Mateuteu Lolotonga ʻa e Fakaʻosiʻosi ʻo e Ngaahi ʻAho Fakaʻosí

ʻI heʻetau kātekina ʻa e fakaʻosiʻosi ʻo e “ngaahi ʻaho fakaʻosí,” ʻoku tau ʻamanekina ʻe toe fakautuutu ke lahi ange ʻa e ngaahi faingataʻá. (2 Tīm. 3:1; “mamahi” nouti ako ʻi he nwtsty ʻo e Māt. 24:8) ʻI he hoko ha fakatamakí, ʻoku faʻa maʻu ʻe he kakai ʻa Sihová ʻa e ngaahi fakahinohino fakaefakahaofi ʻi he taimi totonu. Ko ʻetau talangofua ʻo mateuteu fakalaumālie mo fakaesinó ʻi he taimi ní ʻe makatuʻunga mei ai ʻetau hao moʻui ʻi he kahaʻú.​—Luke 16:10.

• Tokateu fakalaumālie: Fakatupulekina ha taimi-tēpile tuʻumaʻu ʻo e lau Tohi Tapú mo e ako fakafoʻituituí. Ako ʻa e ngaahi founga kehekehe ʻo e ngāue fakamalangá. ʻOua ʻe hohaʻa kapau ʻe fakamavaheʻi koe mei he toenga ʻo e fakatahaʻangá. (ʻAi. 30:15) ʻOku ʻikai ʻaupito ke fakamavaheʻi koe meia Sihova mo Sīsū.​—od 176 ¶15-17

• Tokateu fakaesino: Tānaki atu ki he kato fetukutukú, ko e fāmili taki taha ʻoku totonu ke ʻi ai haʻanau meʻakai feʻunga, hina vai, naunau fakafaitoʻo mo e alā meʻa pehē telia naʻa fiemaʻu ke nofo maʻu ʻi ha feituʻu ʻi ha vahaʻa taimi lōloa.​—Pal. 22:3; g 10/07 7

SIO ʻI HE VITIŌ ʻOKÚ KE MATEUTEU KI HA FAKATAMAKI FAKANATULA? PEA TALI LEVA ʻA E NGAAHI FEHUʻI KO ENÍ:

• 

  ʻE lava fēfē ke tau mateuteu fakalaumālie ʻi he hoko ha fakatamaki?

• 

  Ko e hā ʻoku mahuʻinga ai ke tau . . .

  • tauhi maʻu ha fetuʻutaki lelei mo e kau mātuʻa?

  • tokateu ha kato naunau tokoni fakavavevave?

  • lāulea ki he faʻahinga fakatamaki nai ʻe hokó pea mo e meʻa te ke fai ʻi he ngaahi tuʻunga taki taha?

• 

  Ko e hā ʻa e founga ʻe tolu ʻe lava ke tau tokoni ai ki he niʻihi kehé ʻi he hoko ha fakatamaki kiate kinautolú?

ʻEKE HIFO, ‘Ko e hā ʻa e ngaahi lēsoni kuó u ako mei he mahaki fakaʻauha COVID-19 ʻo fekauʻaki mo e mahuʻinga ʻo e mateuteú?’