MOʻUI KO HA KALISITIANE
ʻOkú Ke Mateuteu ki ha Palopalema Fakaʻekonōmika?
ʻOku ʻikai ke tau ofo ʻi hono ʻai ʻe he ngaahi meʻa ʻoku hoko ʻi he māmaní ke feliuliuaki ʻa e tuʻunga fakaʻekonōmiká fakavahaʻapuleʻanga. Ko e hā hono ʻuhingá? Koeʻuhí ʻoku tau lolotonga moʻui ʻi he ngataʻanga ʻo e ngaahi ʻaho fakaʻosí pea ʻoku fakatokanga mai ʻa e Tohi Tapú ke ʻoua naʻa fokotuʻu ʻetau ʻamanakí ʻi he “ngaahi koloa taʻepaú.” (1 Tīm. 6:17; 2 Tīm. 3:1) Ko e hā ʻoku akoʻi mai ʻe he faʻifaʻitakiʻanga ʻa Tuʻi Sihosafaté fekauʻaki mo e hoko ʻo mateuteu ki ha palopalema fakaʻekonōmiká?
ʻI he taimi naʻe fehangahangai ai ʻa Sihosafate mo ha fakamanamana mei he ngaahi puleʻanga fakafilí, naʻá ne falala kia Sihova. (2 Kal. 20:9-12) Naʻá ne toe fai foki ʻa e ngāue ke mateuteu tokamuʻa ʻa e puleʻangá ʻaki hono langa ʻa e ngaahi kolo fakakolotau pea fokotuʻu ha ngaahi nofoʻanga fakakautau. (2 Kal. 17:1, 2, 12, 13) ʻI he hangē ko Sihosafaté, ʻoku lelei ke tau falala kia Sihova pea fai ʻa e ngāue ke mateuteu ai ke fehangahangai mo e ngaahi taimi faingataʻá.
SIO ʻI HE VITIŌ ʻOKÚ KE MATEUTEU KI HA FAKATAMAKI? PEA TALI LEVA ʻA E ONGO FEHUʻI KO ENÍ:
Ko e hā ʻe lava ke tau fai ʻe kitautolu fakafoʻituitui ke mateuteu ai ki ha fakatamaki?
ʻE lava fēfē ke tau mateuteu ke tokoniʻi ʻa e niʻihi kehé?