Fakahīkihikiʻi ʻa Sihova ko ha Tāimuʻa

Naʻe ʻi ai ha ʻuhinga makehe ki he kau ʻIsilelí ke fakahīkihikiʻi ʻa Sihova. Naʻá ne ʻomai kinautolu mei ʻIsipite pea fakahaofi kinautolu mei he kau tau ʻa Feló! (ʻEki. 15:1, 2) ʻOku hokohoko atu ʻa Sihova ke fai ha meʻa lelei maʻa hono kakaí. ʻE lava fēfē ke tau fakahāhā ʻetau houngaʻiá?​—Saame 116:12.

Ko e founga ʻe taha, ke hoko ko ha tāimuʻa tokoni pe ko ha tāimuʻa tuʻumaʻu. ʻE lava ke ke lotu ki ha holi mo e mālohi ke hoko ko ha tāimuʻa. (Fil. 2:13) Ko e tokolahi ʻoku nau kamata ko ha tāimuʻa tokoni. ʻE lava ke ke fili ke ngāueʻi ʻa e houa ʻe 30 pe 50 lolotonga ʻa e māhina ko Maʻasi mo ʻEpelelí pea lolotonga ʻa e māhina ʻoku ʻaʻahi mai ʻa e ʻovasia sēketí. ʻI hoʻo hokosia ʻa e fiefia ʻi hoʻo ngāue tāimuʻa tokoní te ke loto nai ke kakapa atu ʻo hoko ko ha tāimuʻa tuʻumaʻu. Naʻa mo e faʻahinga ʻoku ngāue paʻanga taimi-kakató pe ko e faʻahinga ʻoku fakangatangata honau tuʻunga moʻui leleí kuo malava ke nau hoko ʻo tāimuʻa tuʻumaʻu. (mwb16.07 8) Ko hono moʻoní ʻoku tuha ʻa Sihova mo ha feinga pē ʻoku tau fai ke fakahīkihikiʻi ia!​—1 Kal. 16:25.

SIO ʻI HE VITIŌ TAUTEHINA ʻE TOKO TOLU ʻI MONGOKŌLIA, PEA TALI LEVA ʻA E NGAAHI FEHUʻI KO ENÍ:

• 

  Ko e hā ʻa e ngaahi pole naʻe pau ke ikuʻi ʻe he kau tautehiná kae lava ke nau tāimuʻá?

• 

  Ko e hā ʻa e ngaahi tāpuaki kuo nau maʻú?

• 

  Koeʻuhi ko ʻenau tāimuʻa tuʻumaʻú ko e hā ʻa e ngaahi faingamālie foʻou naʻa nau maʻú?

• 

  Ko e hā ʻa e ʻaonga ki he niʻihi kehé ʻa ʻenau faʻifaʻitakiʻangá?