Te Ke Lava ʻo Fai ha Tokoni ʻAki Hoʻo Taimí mo e Iví?

Hangē ko ia naʻe tomuʻa tala ʻe ʻAiseá ʻoku tau sio ki he tupu lahi ʻo ʻikai ha toe taimi ki muʻa ʻa e konga fakaemāmani ʻo e kautaha ʻo Sihová. (ʻAi. 54:2) Koeʻuhi ko e tupu ko ení ʻoku fiemaʻu ai ʻa e ngaahi Fale Fakatahaʻanga, Holo ʻAsemipilī mo e ngaahi vaʻa foʻou. Hili ʻa e langá kuo pau ke tokangaʻi ʻa e ngaahi fale ko ení pea ʻe faai atu pē ʻe fiemaʻu ke fakaleleiʻi ʻa e niʻihi. Ko e hā ʻa e ngaahi faingamālie ʻoku ʻomai heni kiate kitautolu ke tau fai ha tokoni ʻaki ʻetau taimí mo e ʻiví kia Sihova?

• ʻOku lava ke tau tokoni ke fakamaʻa ʻa e Fale Fakatahaʻangá ʻi hono vaheʻi mai ki heʻetau kulupu malangá

• ʻOku lava ke tau pole ke kau ʻi he ako ki hono tokangaʻi ʻetau Fale Fakatahaʻangá

• ʻOku lava ke tau fakafonu ʻa e foomu kole Local Design/Construction Volunteer Application (DC-50) ke tokoni ʻi he taimi ʻe niʻihi ki he ngāue langá mo hono tokangaʻi ʻa e ʻū langa ʻoku ofi mai kiate kitautolú

• ʻOku lava ke tau fakafonu ʻa e foomu kole Application for Volunteer Program (A-19) pea pole ke tokoni ʻi ha uike ʻe taha pe lahi ange ʻi Pēteli pe ʻi ha feituʻu kehe ʻoku tokangaʻi ʻe he vaʻá

SIO ʻI HE VITIŌ ʻOKU PALANI KE FAI HA LANGA FOʻOU​—KONGA, PEA TALI LEVA ʻA E NGAAHI FEHUʻI KO ENÍ:

• Fakamatalaʻi ʻa e founga ʻoku tau ngāueʻaki lahi ange ʻa e ʻū vitioó talu mei he 2014.

• Ke faʻu ha ʻū vitiō lahi ange ki heʻetau lotú ko e hā ʻa e ngāue makehe ʻoku palani ke faí? ʻE kamata pea ʻosi ki ʻafē ʻa e langa ko ení?

• ʻE lava fēfē ke tokoni ʻa e kau ngāue polé ki he langa ko ení?

• Kapau ʻoku tau loto ke fai ha tokoni ki he langa ʻi Ramapo, ko e hā ʻoku totonu ai ke tau fakafonu ʻa e foomu kole (DC-50) pea tokoni ki he Tisaini/Langa Fakalotofonua ofi mai kiate kitautolú?

• ʻOku lava fēfē ke tau ʻiloʻi ʻoku tataki ʻe Sihova ʻa e ngāue makehe ko ení?

• ʻE lava fēfē ke tau poupou ki he ngāue makehe ko ení neongo ʻoku ʻikai lava ke tau kau fakahangatonu ki he langá?