Fili Fakapotopoto Hoʻo Kaungāmeʻá

ʻE lava ke ako ʻa e kau Kalisitiané mei he meʻa naʻe hoko ki he kau ʻIsilelí ʻi he toafa ʻo Mōapé. (1 Kol. 10:6, 8, 11) Ko e kau fefine Mōapé ʻa ia naʻa nau fehokotaki fakasino taʻetaau mo lotu ki he ʻaitolí, naʻa nau tākiekina ʻa e kau ʻIsileli naʻe feohi mo kinautolú ke fakahoko ʻa e angahala mafatukituki. Naʻe iku eni ki ha nunuʻa fakalilifu. (Nōm. 25:9) ʻOku ʻātakaiʻi kitautolu ʻe he faʻahinga ʻoku ʻikai ke nau lotu kia Sihova hangē ko e kaungāngāue, kaungāako, kaungāʻapi, kāinga mo e niʻihi kehé. Ko e hā ʻe lava ke tau ako mei he fakamatala Fakatohitapu ko ení ki he fakatuʻutāmaki ʻe hoko ʻi heʻetau kaumeʻa vāofi mo e faʻahinga ʻoku ʻikai ke nau lotu kia Sihová?

SIO ʻI HE VITIŌ FAKATĀTĀ FAKAEFAKATOKANGA KI HOTAU TAIMÍ​—KONGA PEA TALI LEVA ʻA E NGAAHI FEHUʻI KO ENÍ:

• 

  Ko e hā ʻa e fakaʻuhinga hala naʻe tala ange ʻe Similai mo e niʻihi kehé kia Siaminí?

• 

  Naʻe anga-fēfē tokoni ʻa Fineasi kia Siamini ke ne maʻu ʻa e vakai totonú?

• Ko e hā ʻa e faikehekehe ʻi he hoko ʻo anga-fakakaumeʻa ki ha tokotaha taʻetui mo e hoko ko hono kaumeʻá?

• Ko e hā kuo pau ai ke tau tokanga ʻi hono fili hotau ngaahi kaumeʻa ofí naʻa mo e ʻi he fakatahaʻangá?

• Ko e hā kuo pau ai ke tau fakaʻehiʻehi mei he fetuʻutaki mo e faʻahinga ʻoku ʻikai ke tau ʻiloʻi lelei ʻi he mītia fakasōsialé?