Ngāueʻaki ʻEtau Meʻangāue Fakaefekumí

ʻOku tokonaki mai ʻe Sihova ʻa e ngaahi meʻangāue hangē ko e ngaahi vitiō, tuleki, makasini, polosiua, tohi, mo ʻetau meʻangāue tefitó ko e Tohi Tapú ke tokoniʻi ai kitautolu ke pōtoʻi ʻi he faiakó. (2 Tīm. 3:16) ʻOkú ne toe ʻomai foki mo e meʻangāue fakaefekumi ʻe lava ke ne tokoniʻi kitautolu ke fakamatalaʻi ʻa e ngaahi konga Tohi Tapú. ʻOku kau ki ai ʻa e Watchtower Library, ko e polokalama JW Library^®, ko e LAIPELI Taua Leʻo ʻI HE ʻINITANETÍ mo e Tataki Fakaefekumi Maʻa e Kau Fakamoʻoni ʻa Sihová.

ʻI hoʻo keli loloto ʻi he Tohi Tapú ʻo ngāueʻaki ʻa e ngaahi meʻangāue kotoa ʻoku ala maʻú te ke maʻu ai ʻa e fiefia lahi. Akoʻi hoʻo tokotaha akó ki he founga ke ngāueʻaki ai ʻa e ngaahi meʻangāué. Te nau hokosia leva ʻa e fiefia tatau ʻi heʻenau maʻu ʻa e tali ki heʻenau ngaahi fehuʻi Fakatohitapú tonu.

SIO ʻI HE VITIŌ HOKOSIA ʻA E FIEFIA ʻI HE NGAOHI ĀKONGÁ​—TALI ʻA E TOKONI ʻA SIHOVÁ​—NGĀUEʻAKI ʻA E MEʻANGĀUE FAKAEFEKUMI, PEA TALI LEVA ʻA E NGAAHI FEHUʻI KO ENÍ:

• 

  Ko e hā ʻa e meʻa naʻe tālaʻa ki ai ʻa Lose ʻo fekauʻaki mo e fakatupú?

• 

  Naʻe maʻu mei fē ʻe Nita ʻa e fakamatala ki he kaveinga naʻe tālaʻa ki ai ʻa Losé?

• 

  Naʻe anga-fēfē ʻene filifili lelei ʻa e fakamatala ʻoku feʻungamālie mo Losé?

• Ko e hā ʻa e ola ʻi hono ngāueʻaki ʻe Nita ʻa e meʻangāue fakaefekumí?