Ngāueʻaki ʻa e Meʻa ʻOku Lolotonga Hokó ʻi Hoʻo Ngāue Fakafaifekaú

ʻI he ngāue fakafaifekau ʻa Sīsuú, naʻá ne ngāueʻaki ʻa e meʻa naʻe lolotonga hokó ke akoʻi ʻaki ha lēsoni. (Luke 13:1-5) ʻE lava foki ke ke ngāueʻaki ʻa e meʻa ʻoku lolotonga hokó, ke fakatupulekina ai ʻa e mahuʻingaʻia ʻa e kakaí ʻi he pōpoaki ʻo e Puleʻangá. Hili ʻa e lave ki he lahi ʻo e palopalema fakapaʻangá, fakatamaki fakanatulá, moveuveu fakapolitikalé, maʻunimā ʻe he faitoʻo kona tapú pe ko ha meʻa meimei tatau, ʻeke ha fehuʻi fakatupu fakakaukau. Te ke ʻeke nai: “ʻOkú ke fakakaukau ʻe faifai angé pea ngata ʻa e . . . ?” pe “Ko e hā hoʻo fakakaukau ko e fakaleleiʻanga ia ki he . . . ?” Fakahaaʻi ange leva ha veesi Tohi Tapu ʻoku felāveʻi mo e kaveingá. Kapau ʻoku mahuʻingaʻia ʻa e tokotahá fakahaaʻi ange kiate ia ha vitiō pe ko ha tohi mei heʻetau Puha Meʻangāue Fakafaiakó. ʻI heʻetau feinga ke aʻu ki he loto ʻo e kakai ʻi hotau feituʻu ngāué, ʻofa ke tau “fai ʻa e meʻa kotoa pē maʻá e ongoongo leleí.”​—1 Kol. 9:22, 23.

Ko e hā ʻa e kaveinga ʻe fakamānako nai ki he kakai ʻi ho feituʻú?