Fakaleleiʻi ʻEtau Pōtoʻi ʻi he Ngāue Fakafaifekaú​—Hoko ʻo Feʻunuʻakingofua

ʻUHINGA ʻOKU MAHUʻINGA AÍ: ʻOku fakaafeʻi ʻe he kau paní mo e fanga sipi kehé ʻa e faʻahinga kakai kotoa pē ke “toʻo taʻetotongi ʻa e vai ʻo e moʻuí.” (Fkh. 22:17) Ko e vaí ʻoku ʻuhinga ia ki he ngaahi tokonaki ʻa Sihova ʻa ia te ne tokoniʻi ʻa e kakaí ke maʻu ʻa e moʻui ʻo ʻikai ha angahala mo e mate. Ke tokoniʻi ʻa e kakai mei he anga fakafonua mo e tui faka-lotu kehekehe, ʻoku fiemaʻu ke tau ʻoatu ʻa e “ongoongo lelei taʻengata” ʻi ha founga ʻe fakamānako ki he tokotaha taki taha ʻo kinautolu.—Fkh. 14:6.

FOUNGA HONO FAI IÁ:

• Fili ha tuʻunga-lea mo ha konga Tohi Tapu ʻa ia ʻe maongo ki he loto ʻo e kakai ʻi ho feituʻu ngāué. Te ke fili nai ha sīpinga fetalanoaʻaki pe ko ha meʻa kuó ke ngāueʻaki ʻoku ola lelei. Ko e hā ʻa e ngaahi tuʻunga-lea pe konga Tohi Tapu ʻoku saiʻia ai ʻa e kakaí? ʻOku ʻi ai ha ongoongo ʻoku fakakaukau ki ai ʻa e lahi taha ʻo e kakaí? Ko e hā ʻe fakamānako ki ha tangata pe fefine?

• Fakakau ʻi hoʻo fetalanoaʻakí ʻa e fakafeʻiloaki mo e anga fakafonua ʻoku anga-maheni ki ai ho feituʻú.—2 Kol. 6:3, 4

• Hoko ʻo maheni mo e ʻū tohi mo e ngaahi vitiō ʻi heʻetau Puha Meʻangāue Fakafaiakó ke vahevahe mo ha taha ʻoku mahuʻingaʻia

• Download ʻa e ngaahi fakamatalá ʻi he lea ʻa e kakai ngalingali te ke fetaulaki mo ia ʻi ho feituʻu ngāué

• Feʻunuʻaki hoʻo tuʻunga-leá ke feʻunga mo e fiemaʻu ʻa e tokotaha-ʻapí. (1 Kol. 9:19-23) Ko e fakatātaá, ko e hā te ke leaʻaki kapau ʻokú ke ʻiloʻi ko e tokotaha-ʻapí naʻe toki mate ha taha naʻá ne ʻofa ai?

SIO ʻI HE VITIOÓ, PEA TALI LEVA ʻA E NGAAHI FEHUʻI KO ENÍ:

• Ko e hā ʻa e kaveinga naʻe kamata ke lāulea ki ai ʻa e tokotaha malangá mo e tokotaha-ʻapí?

• Ko e hā naʻe hoko ki he moʻui ʻa e tokotaha-ʻapí?

• Ko fē ʻi he taha ʻo e ngaahi konga Tohi Tapú naʻe feʻungamālie mo e tuʻungá, pea ko e hā hono ʻuhingá?

• ʻE lava fēfē ke feʻunuʻaki hoʻo tuʻuakí ke fakamānako ki he kakai ʻi ho feituʻu ngāué?