Kokkinakis v. Greece: Droit réservé
Kamata mei he toʻohema ʻi ʻolungá: West Virginia State Board of Education v. Barnette; Kokkinakis v. Greece; Taganrog LRO and Others v. Russia; Cha and Others v. South Korea
MOʻUI KO HA KALISITIANE
“Taukapoʻi mo Fokotuʻu Fakalao” ʻa e Ongoongo Leleí
ʻI he taimi naʻe feinga ai ʻa e kau fakafepakí ke taʻofi ʻa e kau ʻIsilelí mei hono toe langa ʻa e temipalé, naʻe feinga mālohi ʻa e kau ngāue langá ke fokotuʻu ʻenau totonu fakalao ke toe hoko atu ʻa e ngāué. (ʻĒsela 5:11-16) ʻI he tuʻunga meimei tatau, kuo ngāue ʻa e kau Kalisitiané ʻi he ʻahó ni ke taukapoʻi mo fokotuʻu fakalao ʻa e ongoongo leleí. (Fil. 1:7) Ke fakahoko ení, naʻe fokotuʻu ai ha Potungāue Lao ʻi he ʻuluʻi ʻapitanga ʻi māmaní ʻi he 1936. ʻI he ʻahó ni, ʻoku fokotuʻutuʻu ʻe he Potungāue Lao ʻo e ʻUluʻi ʻApitangá ʻa hono taukapoʻi ʻa e ngaahi meʻa ʻo e Puleʻangá ʻi māmani lahi. Kuo anga-fēfē hono pouaki ʻe he potungāue ko ení ʻa e ngaahi meʻa ʻo e Puleʻangá pea maʻu ʻaonga mei ai ʻa e kakai ʻa e ʻOtuá?
SIO ʻI HE VITIŌ ʻAʻAHI KI HE POTUNGĀUE LAO ʻI HE ʻULUʻI ʻAPITANGA ʻI MĀMANÍ, PEA TALI LEVA ʻA E NGAAHI FEHUʻI KO ENÍ:
Ko e hā ʻa e ngaahi palopalema fakalao naʻe fehangahangai mo e Kau Fakamoʻoni ʻa Sihová?
Ko e hā ʻa e ngaahi ikuna fakalao kuo tau maʻú? ʻOmai ha fakatātā
Ko e hā ʻe lava ke tau fakahoko tāutaha ke tokoni ki hono “taukapoʻi mo fokotuʻu fakalao” ʻa e ongoongo leleí?
Ko fē ʻi heʻetau uepisaití ʻe lava ke tau maʻu ai ʻa e ngaahi keisi fakalao ʻoku kaunga ki he kakai ʻa e ʻOtuá pea mo e lisi ʻo e Kau Fakamoʻoni ʻa Sihova ʻoku tuku pilīsone koeʻuhi ko ʻenau tuí?