Te ke maʻu mei fē ʻa e tataki alafalalaʻangá ʻi he ʻahó ni?
ʻI hotau māmani feliuliuaki vavé, ʻe lava fēfē ke ke fakapapauʻi ko e ngaahi fili ʻokú ke faí ʻe maʻu ai ha ola ʻoku lelei? ʻE lava fēfē ke ke fakapapauʻi ko e meʻa ʻoku vakai ki ai he ʻahó ni ʻoku tonú heʻikai ke vakai ki ai ʻapongipongi ʻoku hala?
Ko e Tohi Tapú ʻe lava ke ne tokoniʻi koe ke fai ʻa e ngaahi fili heʻikai ʻaupito te ke fakaʻiseʻisa ai. ʻOku malava fēfē ia? Ko e Tohi Tapú ko e ʻomai ia mei hotau Tokotaha-Fakatupú, pea ʻokú ne ʻiloʻi ʻa e meʻa te ne ʻai ke tau maʻu ʻa e fiefia mo e malu moʻoní.
“Kuó ne fakahā kiate koe . . . ʻa e meʻa ʻoku leleí.”—Maika 6:8.
ʻE lava ke tau falala ki he poto ʻaonga ʻoku maʻu ʻi he Tohi Tapú. ʻOku “falalaʻanga maʻu pē ia, ʻi he taimí ni pea taʻengata.”—Saame 111:8.
Fēfē ke ke sivisiviʻi tonu ʻa e founga ʻe lava ke tokoniʻi ai koe ʻe he Tohi Tapú ʻi he māmani feliuliuaki ko ení?