Fai ʻe he Kakai Fakalaumālié ʻa e Fili Fakapotopoto

Lau ʻa e Sēnesi 25:​29-34 ke ʻiloʻi pe naʻe fai ʻe ʻĪsoa mo Sēkope ʻa e ngaahi fili fakapotopoto.

Keli loloto ange ki he potutohí. Ko e hā naʻe hoko ki muʻa aí? (Sēn. 25:​20-28) Ko e hā naʻe hoko hili iá?—Sēn. 27:​1-46.

Keli loloto ange ki he fakaikiikí. ʻI he ngaahi ʻaho ko iá, ko e hā ʻa e ngaahi totonu mo e fatongia ʻo ha ʻuluaki foha?—Sēn. 18:​18, 19; w10-E 5/1 13.

• Naʻe kau maʻu pē ʻi he ngaahi totonu ko iá ʻa e pau ke hoko ko ha hako ʻo e Mīsaiá? (w17.12 14-15)

ʻIloʻi ʻa e ngaahi lēsoní pea ngāueʻaki ia. Ko e hā naʻe kehe ai hono fakamahuʻingaʻi ʻe Sēkope ʻa e totonu ki he ʻuluaki fohá ʻia ʻĪsoá? (Hep. 12:​16, 17; w03 10/15 28-29) Naʻe fēfē ʻa e ongoʻi ʻa Sihova fekauʻaki mo e ongo tautehiná, pea ko e hā hono ʻuhingá? (Mal. 1:​2, 3) Ko e hā naʻe mei fai ʻe ʻĪsoa koeʻuhí ke fai ha fili lelei angé?

• ʻEke hifo, ‘ʻE lava fēfē ke u fakahāhā ʻa e houngaʻia ki he ngaahi meʻa fakalaumālié ʻi heʻeku taimi-tēpile fakauiké, hangē ko hono fakataimitēpileʻi ʻa e lotu fakafāmilí?’