ʻE Fakangata ʻe Sīsū ʻa e Masivá

Lolotonga ʻa e ʻi māmani ʻa Sīsuú, naʻá ne fakahaaʻi ʻa e ʻofa lahi ki he kakaí, tautefito ki he faʻahinga naʻe masivá mo faingataʻaʻiá. (Mātiu 9:36) Naʻe aʻu ʻo ne feilaulauʻi ʻene moʻuí maʻá e lelei ʻa e niʻihi kehé. (Mātiu 20:28; Sione 15:13) ʻOku vavé ni, ke ne toe fakamoʻoniʻi ʻene ʻofa ki he kakaí ʻaki ʻene ngāueʻaki hono mafai mo e mālohi ko e Tuʻi ʻo e Puleʻanga ʻo e ʻOtuá ke ne fakangata ʻa e masivá ʻi he māmaní.

ʻOku fakamatalaʻi ʻe he Tohi Tapú ʻa e meʻa ʻe fai ʻe Sīsuú ʻi ha ngaahi lea fakaemaau:

• “Tuku ke ne taukapoʻi ʻa e māʻulalo ʻi he haʻohaʻonga ʻo e kakaí, tuku ke ne fakahaofi ʻa e ngaahi foha ʻo e masivá.”​​—Saame 72:4.

ʻE lava fēfē ke tau fakahaaʻi ʻetau houngaʻia ki he meʻa kotoa kuo fai ʻe Sīsuú mo ia ʻoku teu ke ne fai maʻa kitautolú? Ko e founga ʻe taha ko e ako lahi ange fekauʻaki mo e “ongoongo lelei ʻo e Puleʻanga ʻo e ʻOtuá,” ʻa ia ko e pōpoaki ia naʻá ne malangaʻí. (Luke 4:43) Lau ʻa e kupu “Ko e Hā ʻa e Puleʻanga ʻo e ʻOtuá?”